ताजा
लोकप्रिय
चीनको तिब्बत केन्द्रविन्दु भएर आएको भूकम्पबाट आत्तिएर काठमाडौंको स्युचाटारस्थित घरको छतबाट एक व्यक्ति हाम फालेका छन्।
बिज्ञापन
हाम फालेर घाइते भएका ती व्यक्ति पुरुष भएपनि उनको परिचय भने खुलेको छैन। दुवै खुट्टामा चोट लागेकाले उनको मनमोहन मेमोरियल अस्पतालमा उपचार भइरहेको काठमाडौं प्रहरीले जनाएको छ। यस्तै भूकम्पको धक्का महसुस भएपछि बारामा विद्यार्थीहरू बेहोस भएका छन्। कलैया उपमहानगरपालिका वडा नम्बर १ देवकोटास्थित त्रिचन्द्र माविका कक्षा ७ र ८ मा पढ्ने ११ जना विद्यार्थी बेहोस भएको बारा प्रहरीले जनाएको छ।
बिज्ञापन
प्रादेशिक अस्पतालमा उपचारपछि उनीहरू निस्चार्ज भइसकेका छन्। त्यस्तै भूकम्पबाट सिन्धुपाल्चोकको भोटेकोशी–४ को प्रहरी चौकीमा सामान्य क्षति भएको छ । यसैगरी ओखलढुंगा र सोलुखुम्बुमा पनि मानिस नबस्ने केही घरमा क्षति पुगेको प्रहरीले जनाएको छ। तिब्बतको दिङ्गे केन्द्रविन्दु भएर मंगलबार बिहान ६ः५० बजे ७ म्याग्निच्युटको शक्तिशाली भूकम्प गएको थियो।
चीनमा भूकम्पबाट मृत्यु हुनेको संख्या ५२ पुगेको छ। यस्तै कम्तीमा ६२ जना घाइते भएका छन्।
बिज्ञापन
