ताजा
लोकप्रिय
सूर्यदर्शन सहकारी ठगी प्रकरणमा कास्की जिल्ला अदालतमा सोमबार रास्वपा सभापति रवि लामिछानेका वकिलले बहस गर्ने भएका छन्।
बिज्ञापन
थुनछेक बहस अन्तर्गत, सात जना प्रतिवादीविरुद्ध भइरहेको सुनुवाइमा आइतबारसम्म गोरखा मिडिया नेटवर्कका पूर्वसञ्चालक तथा पूर्वडीआईजी छविलाल जोशी र लीला पछाईको पक्षबाट बहस गरिएको थियो। न्यायाधीश नितिज राईको इजलासमा जारी बहसमा जोशीकातर्फबाट ६ जना कानून व्यवसायीले वकालतनामा लेखाएका छन्। तीमध्ये वरिष्ठ अधिवक्ता शम्भु थापाको बहस सकिएको छ भने अन्य पाँच जनाको बहस बाँकी छ।
बिज्ञापन
लामिछानेका तर्फबाट बहस गर्ने क्रम जोशी पक्षको बहस सकिएपछि मात्रै सुरु हुने श्रेस्तेदार राजन खनालले जानकारी दिए। लामिछानेका तर्फबाट वरिष्ठ अधिवक्ता सुशीलकुमार पन्त, रमण श्रेष्ठ र रास्वपा नेतृसमेत रहेकी अधिवक्ता सोविता गौतम लगायतले बहस गर्नेछन्। लामिछानेपछि रामबहादुर खनाल, मीना गुरुङ, कृष्णबहादुर गुरुङ र आरती गुरुङका वकिलहरूले बहस गर्ने कार्यक्रम छ।
प्रतिवादी पक्षका सबै वकिलहरूको बहस सकिएपछि सरकारी वकिलले जवाफी बहस गर्नेछन्। त्यसपछि न्यायाधीशले प्रतिवादीहरूलाई साधारण तारेख, धरौटी वा पुर्पक्षका लागि थुनामा पठाउने सम्बन्धी आदेश दिनेछन्। वकिलहरूको संख्या धेरै भएकोले आदेश आउन अझै केही दिन लाग्ने अनुमान गरिएको छ।
बिज्ञापन
