ताजा
लोकप्रिय
खाना पकाउने ग्यास चुहिएर आगलागी हुँदा एकजना महिलाको मृत्यु भएको छ।
बिज्ञापन
पर्वतको कुश्मा नगरपालिका–१० पीपलटारीमा बस्ने उक्त महिलाको घटनास्थलमा मृत्यु भएको जिल्ला प्रहरी कार्यालयका प्रहरी नायब उपरीक्षक रविन विष्टले जानकारी दिएका छन्।
बिज्ञापन
प्रहरी नायब उपरीक्षक रविन विष्टका अनुसार पीपलटारीस्थित तल्लो रोहोटेका ध्रुरव रेग्मीको घरको ग्यास आज बिहान फेर्ने क्रममा चुहिएर एक्कासी आगलागी हुँदा छिमेकी ७३ वर्षीया वृद्धा दुर्गादेवी पौडेलको जलेर मृत्यु भएको हो। मृतक पौडेल चिया पिउन र दूध लिन रेग्मीको घरमा गएका थिए । घरधनी ५२ वर्षीय रेग्मी गम्भीर घाइते हुनुभएको छ।
घाइतेलाई जिल्ला अस्पतालमा उपचार हुन नसकेपछि थप उपचारका लागि पोखरा पठाइएको छ। आगलागीलगत्तै सदरमुकाम कुश्माबाट पुगेको प्रहरी र सशस्त्र प्रहरीको टोलीले आगो नियन्त्रणमा लिएको थियो। आगलागीबाट घरमा क्षति पुगेको बताउँदै घटनाका बारेमा थप अनुसन्धान भइरहेको प्रहरी उपरीक्षक विष्टले जानकारी दिए।
बिज्ञापन
मृतक महिलाको शव परीक्षणका लागि जिल्ला अस्पताल पर्वतमा ल्याइएका प्रहरीले जानकारी दिएको छ ।
