ताजा
लोकप्रिय
शनिबार बिहान ४:१४ मिनेटमा बाजुराको जगन्नाथ गाउँपालिका ५ गोत्री आसपास केन्द्रबिन्दु बनाएर गएको भूकम्पले गरेको क्षतिको विवरण आउन थालेको छ। भूकम्पका कारण बाजुरासहित कालिकोटका विभिन्न स्थानमा भौतिक क्षति भएको प्रारम्भिक तथ्याकं प्राप्त भएको छ।
बिज्ञापन
बुढीनन्दा नगरपालिका वणडा नम्बर २ मा स्थानीय कल्पना बुढाको दुई तले घर पूर्ण रूपमा क्षति भएको छ। त्यस्तै सोही नागरपालिका ३ मा धनी बोहरा, साइमल रोकाया, घनश्याम बुढा, तिने चदारा, मान सिंह थापा भोटेको घरमा आंशिक क्षति भएको छ। त्यस्तै सोही ठाउँको कैलाश अतिथिगृहको भवनमा पनि क्षति भएको छ। त्यस्तै सोही नगरपालिका-४ मा स्थानीय जनक बोहरा, वडा नम्बर ९ पाण्डुसैनमा पदम सार्कीको घरमा पनि पूर्ण रूपमा क्षति भएको जिल्ला प्रहरी कार्यालय बाजुराका सूचना अधिकारी जनक बहादुर बोहराले जानकारी दिए।
बिज्ञापन
त्यस्तै भूकम्पले स्वामीकार्तिक खापर गाउँपालिका १ मा दशरथ विक, आनन्द विक, चम्फे विक, मन विकको घरमा क्षति भएको छ। प्रहरीका अनुसार बिहानदेखि भूकम्पबाट भएको क्षेति विवरण संकलनका लागि ५५ जनाको टोली खटिएको छ। क्षतिको यकिन विवरण आउन बाँकी रहेको प्रहरीले जानकारी दिएको छ।
त्यसै गरी भूकम्पका कारण कालिकोटको रास्कोट नगरपालिका ३ मा स्थानीय डम्वर कुमाल, पाचायोगीको घरमा क्षति पुगेको जिल्ला प्रहरी कार्यालय कालिकोटका डीएसपी टेकबहादुर रावतले जानकारी दिए। त्यस्तै सोही नगरपालिका ८ मा पुस्पराज न्यौपानेको घरमा पनि क्षति पुगेको प्रहरीले जानकारी दिएको छ।
बिज्ञापन
-यो पनि पढ्नुहोस्:
