ताजा
लोकप्रिय
धरानमा कार्यरत सञ्चारकर्मी सञ्चिता धमलालाई कुटपिट गरेको आरोपमा प्रहरीले ५ जनालाई पक्राउ गरेको छ ।
बिज्ञापन
उपचारका लागि बिपी कोइराला स्वास्थ्य विज्ञान प्रतिष्ठान पुगेकी धमलालाई आक्रमण गर्ने ५ जनालाई प्रहरीले नियन्त्रणमा लिएको हो । कुटपिट गर्ने समूह मेयर हर्क साम्पाङका समर्थक रहेको धमलाले आरोप लगाएकी छन् ।
बिज्ञापन
केही दिनदेखि मेयर साम्पाङ र धमला बीच विवाद हुँदै आएको थियो । विवादपछि मेयर साम्पाङले महिलाहरूलाई धमलाविरुद्ध आन्दोलन गर्न उक्साउँदै सामाजिक सञ्जालमा स्टाटस लेख्दै आएका थिए ।
केही समयअघि पत्रकार धमलाले धरानमा वेश्यावृत्ति बढेको टिप्पणी गरेकी थिइन् । सोही विषयलाई लिएर मेयर साम्पाङ्ले महिलाहरुको अपमान गरेको भन्दै धमलाविरुद्ध आक्रामण गराउन महिलाहरुलाई उक्साउदै आएका थिए । कुटपिटमा संलग्न महिलाहरू पक्राउ परेपछि मेयर साम्पाङ्ले फेसबुकमा लेखेका छन् – सुनसरी प्रहरी निर्दोष दिदी बहिनीहरूलाई विना सर्त रिहा गर ।
बिज्ञापन
