ताजा
लोकप्रिय
बिज्ञापन
हेटौँडा उपमहानगरपालिकाले नगरक्षेत्रभित्र प्लाष्टिकको फूल बिक्री, वितरण तथा उत्पादनमा प्रतिबन्ध लगाएको छ। उपमहानगरपालिकाले एक सूचना जारी गर्दै स्वदेशी तथा प्राकृतिक फूलको प्रवर्द्धन गर्न यस्तो निर्णय लिएको जानकारी दिएको हो।
बिज्ञापन
उपमहानगरले प्लाष्टिकको फूल प्रयोगले वातावरणमा नकारात्मक असर पार्ने भन्दै स्थानीयलाई प्राकृतिक फूल र माला प्रयोग गर्न आग्रह गरेको छ। प्रमुख प्रशासकीय अधिकृत भरत गौतमका अनुसार, “प्लाष्टिकको फूल माटोमा नकुहिने भएकाले वातावरणीय सौन्दर्यमा असर पुग्छ। स्वदेशी उत्पादनलाई प्रवर्द्धन गर्नु हाम्रो साझा दायित्व हो।”
सूचनामा भनिएको छ कि नगरक्षेत्रभित्र प्लाष्टिकको फूलमाला बिक्री, वितरण वा प्रयोग गरेमा नियमनको दायरामा ल्याइनेछ। उपमहानगरपालिकाले स्वच्छ वातावरण र स्थानीय उत्पादनको प्रवर्द्धनका लागि सबैलाई सहयोग गर्न अनुरोध गरेको छ।
बिज्ञापन
