बिज्ञापन

नेपाल पञ्चांग निर्णायक विकास समितिले आज भाद्र शुक्ल पूर्णिमाको दिन खग्रास चन्द्रग्रहण लाग्ने जनाएको छ। यो २०८२ सालको पहिलो चन्द्रग्रहण हो, जुन नेपालसहित भारत र अन्य एसियाली देशबाट सुरुदेखि अन्त्यसम्म स्पष्ट रूपमा देख्न सकिनेछ।

बिज्ञापन

समितिका अनुसार ग्रहण राति १०:११ बजे स्पर्श गर्नेछ, ११:५६ बजे मध्य हुनेछ र १:४१ बजे मोक्ष (अन्त्य) हुनेछ। ग्रहणको कुल अवधि ३ घण्टा ३० मिनेट हुनेछ भने खग्रास (चन्द्रमाको पूरै भाग ढाकिने) अवस्था १ घण्टा २३ मिनेट रहनेछ।

समितिका पूर्वअध्यक्ष प्रा. श्रीकृष्ण अधिकारीका अनुसार, चन्द्रग्रहण काठमाडौंबाट साढे तीन घण्टा अवलोकन गर्न सकिनेछ। यस्तै, आउँदो फाल्गुन शुक्ल पूर्णिमामा पनि खण्डग्रास चन्द्रग्रहण लाग्ने जानकारी समितिले दिएको छ।

बिज्ञापन

ग्रहणको समयमा के गर्न, के नगर्न?

शास्त्रीय मान्यताअनुसार ग्रहणको समयमा मन्त्रजप, दान, स्नान गर्नु पुण्यकारी मानिन्छ। त्यसैगरी, खानपान, सुत्न, मैथुन गर्न वर्जित गरिएको छ। विशेषगरी आज दिउँसो १:११ बजेदेखि ग्रहण सकिएपछि मात्र भोजन गर्नुपर्ने मान्यता छ। बालबालिका, वृद्धवृद्धा र बिरामीलाई भने अपवाद गरिएको छ।

राशिफल अनुसार ग्रहणको प्रभाव

राशि  – प्रभाव

मेष– लाभ

वृष– सुखम्

मिथुन– माननाश

कर्कट– कष्टम्

सिंह– स्त्रीपीडा

कन्या– सौख्यम्

तुला– चिन्ता

वृश्चिक– व्यथा

धनु– श्रीप्राप्ति

मकर– क्षति

कुम्भ– घात

मीन– व्यय

आजको खग्रास चन्द्रग्रहण वैज्ञानिक दृष्टिकोणले पनि महत्वपूर्ण मानिन्छ। यस्तो दुर्लभ खगोलीय घटना हेर्न खगोलप्रेमीहरू उत्साहित छन् भने धार्मिक आस्थाका अनुयायीहरू पूजा-पाठ, ध्यान तथा मन्त्रजपमा लीन हुने अपेक्षा गरिएको छ।