ताजा
लोकप्रिय
हिमालयन लाइफ इन्स्योरेन्स लिमिटेडले ‘हिमालयन तिज उत्सव २०८२’ सम्पन्न गरेको छ । शुक्रबार बिर्तामोडमा मनोरञ्जनात्मक कार्यक्रमका साथ तिज उत्सव सम्पन्न गरेको हो ।
बिज्ञापन
नारीहरुको महान चाड तिजको अवसरमा कम्पनीले साउन महिनामा ल्याएको स्कीम विजेताहरुका साथ तिज उत्सव सम्पन्न गरिएको कम्पनीका कोशी प्रदेश प्रमुख रामबहादुर शाहीले जानकारी दिए । कार्यक्रममा कम्पनीको दमक, बिर्तामोड, सुरुङ्गा, बुद्धशान्ति र काँकरभिट्टा शाखाका अभिकर्ता तथा कर्मचारीहरुको सहभागिता रहेको थियो ।
बिज्ञापन
कार्यक्रममा प्रतियोगितात्मक एकल नृत्य प्रतियोगिताको आयोजना गरिएको थियो । प्रतियोगितामा प्रमिला अधिकारी प्रथम, दुर्गा राई (छुनु) दोस्रो र रेनुका दंगाल तेस्रो भएकी थिइन् । विजेताहरुलाई कम्पनीका प्रदेश प्रमुख शाही र उपप्रमुख भोलाकृष्ण (नविन) मिश्रले अवार्ड वितरण गरेका थिए । त्यस्तै सान्त्वना स्थान हासिल गर्ने रेखा अधिकारी र सरिता थेबे सुब्बालाई टोकन अफ लभ प्रदान गरिएको थियो ।
कार्यक्रममा बीमाको महत्व झल्काउने ‘एकल छोरीको अधुरो सपना’ नामक नाटकसमेत मञ्चन गरिएको थियो । नाटक एमडीआरटी तथा सिनियर एजेन्सी म्यानेजर खिवराज दाहालको लेखन तथा निर्देशनमा भएको थियो । कम्पनीका दमक शाखा प्रमुख चन्द्रकला घिमिरे (सिजी)को कोरियोग्राफीमा विभिन्न नृत्यहरुसमेत प्रस्तुत गरिएको थियो ।
बिज्ञापन
कार्यक्रम सिनियर एजेन्सी मेनेजर सागर रिजाल र बिर्तामोड शाखा प्रमुख बद्रीप्रसाद भण्डारीले सञ्चालन गरेका थिए । कम्पनीले बिहिबार मात्र धुलाबारी शाखामा तिज उत्सव कार्यक्रम सम्पन्न गरेको थियो ।
