ताजा
लोकप्रिय
हरेक महिनाको पहिलो साता प्रधानमन्त्री र सांसदहरूबीच प्रतिनिधिसभामा हुने प्रश्नोत्तर कार्यक्रम बुधबार नहुने भएको छ। प्रतिनिधिसभाको बुधबारको बैठकमा प्रधानमन्त्री केपी शर्मा ओलीसँग सांसदहरूको प्रत्यक्ष प्रश्नोत्तरको कार्यसूची राखिएको थियो ।
बिज्ञापन
तर स्वास्थ्य प्रतिकूलताका कारण ओली प्रतिनिधिसभाको बुधबारको बैठकमा सांसदहरूको प्रत्यक्ष प्रश्नहरूको जवाफ दिन उपस्थित नहुने भएका हुन् । कार्यव्यवस्थामा जानकारी आउनुअघि नै सभामुख देवराज घिमिरेले सांसदहरूबाट आवश्यक प्रश्न संकलन गरिसकेका थिए । तर बुधबार मध्याह्न बसेको कार्यव्यवस्था परामर्श समितिको बैठकमा नेकपा एमालेका प्रमुख सचेतक महेश बर्तौलाले प्रधानमन्त्री संसद्मा उपस्थित हुन नसक्ने जानकारी दिए ।
बिज्ञापन
बर्तौलाले कार्यव्यवस्थाको बैठकमा स्वास्थ्यका कारण प्रधानमन्त्री ओली सांसदहरूसँग सवाल-जवाफका लागि आउन नसक्ने जाकारी दिएको सभामुख घिमिरेका प्रेस सल्लाहकार शेखर अधिकारीले बताए । ‘स्वास्थ्यका कारण सम्माननीय प्रधानमन्त्री प्रधानमन्त्रीसँगको प्रश्नोत्तरका लागि आज संसद बैठकमा आउन नसक्ने हुनु भएको छ’, बर्तौलाले बैठकमा दिएको जानकारीबारे उद्धृत गर्दै अधिकारीले भनेका छन् ।
बिज्ञापन
