ताजा
लोकप्रिय
आगामी २०८२ भाद्र ३ गते काठमाडौंको भृकुटी मण्डपमा शुरु हुने १७औं नाडा अटो शो २०२५ प्रधानमन्त्री केपी शर्मा ओलीले उद्घाटन गर्ने भएका छन्।
बिज्ञापन
नाडाका अध्यक्ष करण चौधरीको नेतृत्वमा गएको प्रतिनिधिमण्डलले प्रधानमन्त्रीलाई भेटी भाद्र ३ देखि ८ गतेसम्म चल्ने प्रदर्शनीको प्रमुख अतिथिका रूपमा उद्घाटन गर्न औपचारिक आग्रह गरेको थियो। नाडा स्थापना भएको ५०औं वर्षको अवसरमा आयोजना हुने यस संस्करणमा १२५ भन्दा बढी प्रदर्शक, ३० भन्दा बढी सवारी साधनका ब्रान्ड, इलेक्ट्रिक, हाइब्रिड तथा स्मार्ट मोबिलिटी समाधान, विन्टेज मोटर शो, साथै पहिलोपटक नेपालमा प्रदर्शनी हुने अत्याधुनिक रोबोट्स र भविष्यमुखी प्रविधिहरू प्रदर्शित हुनेछन्।
बिज्ञापन
प्रधानमन्त्री ओलीले उक्त आग्रह सहर्ष स्वीकार गरेपछि अटोमोबाइल व्यवसायीहरूले यसलाई हौसला दिने निर्णयका रूपमा स्वागत गरेका छन्। भेटघाटमा नाडाका उपाध्यक्ष राजनबाबु श्रेष्ठ, महासचिव सुरेन्द्रकुमार उप्रेती, सचिव विक्रम सिंहानिया, कोषाध्यक्ष मिलनबाबु मल्ल, सहकोषाध्यक्ष पंकज अग्रवाल तथा केन्द्रीय सदस्य मेघराज पौडेलको उपस्थिति थियो।
बिज्ञापन
