ताजा
लोकप्रिय
गत आर्थिक वर्ष २०८०/८१ मा मितेरी डेभलपमेन्ट बैंकको खराब कर्जा उल्लेख्य घटेको छ।
बिज्ञापन
बैंकले प्रकाशित गरेको चौथो त्रैमासको विवरण अनुसार खराब कर्जा घटेको देखिएको हो। बैंकले अघिल्लो आर्थिक वर्षमा ०.८१ प्रतिशत रहेको खराब कर्जा अनुपात घटाउँदै ०.२८ प्रतिशतमा सीमित राख्न सफल भएको छ। बैंकको खुद शुल्क तथा कमिसन आम्दानी पनि बढेको छ। खुद शुल्क तथा कमिसन आम्दानी १ करोड ५० लाख रुपैयाँबाट बढेर ३ करोड २६ लाख रुपैयाँ पुगेको छ। यस्तै बैंकको खुद सञ्चालन आम्दानी ३५ करोड ३१ लाख रुपैयाँबाट घटेर ३१ करोड २२ लाख रुपैयाँमा झरेको छ।
बिज्ञापन
१ अर्ब २१ करोड रुपैयाँ चुक्ता पूँजी भएको बैंकको रिटेन्ड अर्निङ १५ करोड ६१ लाख छ। यसैगरी रिजर्भको आकार ३४ करोड ४२ लाख रुपैयाँ छ। बैंकको वितरणयोग्य मुनाफा १५ करोड ६१ लाख रुपैयाँ रहेको छ। जस अनुसार बैंकको लाभांश क्षमता १२.८३ प्रतिशत छ। बैंकले चौथो त्रैमासमा १३ करोड ४ लाख रुपैयाँ बराबरको खुद नाफा आर्जन गरेको छ। यो रकम अघिल्लो आवको सोही अवधिको तुलनामा १०.०३ प्रतिशतले कम हो। अघिल्लो आवको चौथो त्रैमाससम्म २५ करोड ९७ लाख रुपैयाँ रहेको बैंकको खुद ब्याज आम्दानी २१.३२ प्रतिशतले घट्दै २० करोड ४३ लाख रुपैयाँमा सीमित बनेको छ। पछिल्लो समय ब्याजदर घटेका कारण बैंकको खुद व्याज आम्दानी घटेको हो।
समीक्षा अवधिसम्म बैंकको प्रतिशेयर आम्दानी (ईपीएस) पनि १०.७१ प्रतिशत छ। यस्तै बैंकको प्रतिसेयर नेटवर्थ १४१.११ रुपैयाँ, मूल्य आम्दानी अनुपात ६४.२३ गुणा र तरलता अनुपात ३५.८६ प्रतिशत कायम भएको छ।
बिज्ञापन
