ताजा
लोकप्रिय
दरमखोला हाईड्रो इनर्जी लिमिटेडले सर्वसाधारणका लागि आईपीओ निष्काशन गर्न लागेको छ।
बिज्ञापन
पहिलो चरणमा आयोजना प्रभावित क्षेत्रका बासिन्दा र वैदेशिक रोजगारीमा रहेका नेपाली नागरिकलाई आईपीओ बिक्री गरेपछि अब दोस्रो चरणमा आम सर्वसाधारणका लागि १५ गतेदेखि आईपीओ निष्काशन गर्न लागेको हो ।
बिज्ञापन
कम्पनीले नेपाल धितोपत्र बोर्डबाट प्रतिकित्ता १०० रुपैयाँ अंकित मूल्यमा कुल ३९ लाख ५० हजार कित्ता शेयर निष्कासनको स्वीकृति प्राप्त गरेको थियो। पहिलो चरणमा आयोजना प्रभावितलाई १० लाख ३० हजार ५०० कित्ता र वैदेशिक रोजगारीमा रहेका नेपालीलाई २ लाख ९१ हजार १५० कित्ता सेयर वितरण गरिसकेको छ।
अब बाँकी शेयरमध्ये १ लाख ४५ हजार ९७५ कित्ता सामूहिक लगानी कोषका लागि र ५८ हजार ३९० कित्ता कम्पनीका कर्मचारीका लागि सुरक्षित गरिएको छ। बाँकी रहेका २४ लाख २३ हजार १८५ कित्ता शेयर भने आम सर्वसाधारणका लागि सार्वजनिक गरिएको हो। आईपीओमा कम्तीमा १० कित्तादेखि अधिकतम ५० हजार कित्तासम्म आवेदन दिन सकिनेछ। आवेदन दिने अवधि साउन १५ गतेदेखि सुरु भई साउन १९ गतेसम्म कायम रहनेछ।
बिज्ञापन
यस आईपीओको निष्कासन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ।
