ताजा
लोकप्रिय
सुनसरीको देवानगन्जमा सोमबार साँझ गोली चलेको छ। गोली लागेर १ जना गम्भीर घाइते भएको प्रहरीले जनाएको छ।
बिज्ञापन
प्रहरीका अनुसार देवानगन्ज बजारमा गोली प्रहार हुँदा देवानगन्ज गाउँपालिका–७ का २१ वर्षीय शिवकुमार मेहता घाइते भएका हुन्। उनको अवस्था गम्भीर छ। पिन्टु मेहताले चलाएको मोटरसाइकलको पछाडि सवार रहेका शिवकुमारलाई देवानगन्ज–७ का कामेश्वर यादवले गोली हानेको प्रहरीको प्रारम्भिक अनुसन्धानबाट खुलेको छ।
बिज्ञापन
शिवकुमारमाथि के कारणले गोली प्रहार गरिएको हो भनेर खुल्न बाँकी छ। गोली प्रहारपछि फरार रहेका कामेश्वरको खोजी भइरहेको कोशी प्रदेश प्रहरी कार्यालय विराटनगरले जनाएको छ। कामेश्वरले कुन हतियारबाट गोली प्रहार गरेका हुन् भनेर यकिन भइसकेको छैन।
पिन्टुले चलाएको मोटरसाइकलको पछाडि सवार रहेका शिवकुमारमाथि देवानगन्ज बजार पुग्नसाथ साँझ ६स्३० बजेतिर गोली प्रहार भएको प्रहरीको भनाइ छ। शिवकुमारको अवस्था गम्भीर रहेको प्रहरीले जनाएको छ। उनको ढाडदेखि तल दायाँतर्फ र बायाँ कम्मरको भागमा गोली लागेको प्रहरीले जनाएको छ। गम्भीर अवस्थाका उनको विराटनगरस्थित नोबेल शिक्षण अस्पतालमा उपचार भइरहेको छ।
बिज्ञापन
कोशी प्रदेश प्रहरी प्रमुख डीआईजी राजन अधिकारीले घटनाको पुष्टि गरे। घटनाका विषयमा थप बुझ्ने काम भइरहेको जानकारी उनले दिए। ‘गोली प्रहार भयो भन्ने जानकारी आएको छ। एसपीको नेतृत्वमा प्रहरी टोली घटनास्थलतर्फ गएको छ। थप बुझ्ने काम भइरहेको छ,’ डीआईजी अधिकारीले भने।
