ताजा
लोकप्रिय
शिक्षा ऐन जारी गर्न माग गर्दै राजधानी केन्द्रित आन्दोलन गरिरहेका शिक्षक तथा कर्मचारीहरुले दिउँसै टर्च बालेर सरकारको विरोध गरेका छन् ।
बिज्ञापन
बानेश्वर–बबरमहल सडकखण्डमा भेला भएका दशौं हजार शिक्षक र कर्मचारीहरुले मोबाइलको टर्च बालेर प्रदर्शन गरेका हुन् । उनीहरुले छिटो शिक्षा ऐन जारी गर्न माग गर्दै नाराबाजीसमेत गरेका थिए । सरकारविरुद्ध चर्को नाराबाजी गर्दै आन्दोलनकारीले यसअघिको प्रतिवद्धता कार्यान्वयन नगरेकोमा असन्तुष्टि जनाएका थिए । स्थानीय तहअन्तर्गत बस्न अस्वीकार गर्दै आएका उनीहरुको माग सम्बोधन गर्न संविधान नै संशोधन गर्नुपर्ने हुन्छ, जुन सहज छैन् ।
बिज्ञापन
सुरक्षाका लागि बाक्लो संख्यामा प्रहरीहरु परिचालन गरिएको आजको प्रदर्शनको कारण बानेश्वर–बबरमहल खण्डमा सवारी आवागमन प्रभावित भएको छ ।
गुणस्तरीय विद्यालय शिक्षा, विद्यार्थी र शिक्षक–कर्मचारी मैत्री विद्यालय शिक्षा ऐन जारी गर्नुपर्ने माग राख्दै शिक्षक महासंघको नेतृत्वमा देशभरका शिक्षकहरु आन्दोलनमा छन् । महासंघको आव्हानमा चैत २० देखि सुरु यो आन्दोलन निर्णायक भएको बताउँदै माग पूरा नभएसम्म आन्दोलन जारी राख्ने बताएका छन् ।
बिज्ञापन
शिक्षकहरुले चैत २५ देखि आम शैक्षिक हड्ताल घोषणा गर्दा एसईई परीक्षाको उत्तरपुस्तिका परीक्षण समेत प्रभावित भई नतिजा प्रकाशनमा ढिलाइ हुने देखिएको छ ।
शिक्षकहरुले यसअघि कालोपट्टी बाँधेर, कालो मास्क लगाएर, सिट्टी फुकेर, मौन भएर, सडकमै सुतेर पनि प्रदर्शन गरेका थिए । आज उनीहरुले मोबाइल र हेड ल्याम्प प्रयोग गरेर सरकारको ध्यानाकर्षण गराउने प्रयास गरे ।
