ताजा
लोकप्रिय
सिटिजन लाइफ इन्स्योरेन्स कम्पनी लिमिटेडमा एक प्रतिशत वा सोभन्दा धेरै शेयर स्वामित्व हुने लगानीकर्ताको संख्या २२ रहेको छ। कम्पनीले सार्वजनिक गरेको आर्थिक वर्ष २०८०/०८१ को विवरण अनुसार ठूला शेयरधनीहरुको संख्या २२ रहेको छ।
बिज्ञापन
जसमध्ये सबैभन्दा धेरै कान्तिपुर पब्लिकेशन प्रालि र सुमित कुमार अग्रवालको रहेको छ। कान्तिपुर र सुमितको सो कम्पनीमा समान २० लाख ४७ हजार ५०० कित्ता शेयर तथा ५.२०/५.२० प्रतिशत स्वामित्व रहेको छ भने प्रदीप जंग पाण्डेको १४ लाख ४३ हजार ७५० कित्ता शेयर तथा ३.६७ प्रतिशत स्वामित्व रहेको छ। प्रदीप सो कम्पनीको अध्यक्ष हुन भने सुमित सञ्चालक समितिको सदस्य हुन्।
बिज्ञापन
यसैगरी, विकास जेबी राणा, सुष्मा राणा र यति वर्ल्ड इन्भेस्टमेन्ट प्रालिको समान १४ लाख १७ हजार ५०० कित्ता शेयर तथा ३.६०/३.६० प्रतिशत स्वामित्व रहेको छ। एयर डाइनास्टी हेली सर्भिस प्रालिको ८ लाख ४२ हजार ६२५ कित्ता शेयर तथा २.१४ प्रतिशत स्वामित्व छ भने ज्योति प्रकाश पाण्डे, ललिता अग्रवाल र उर्मिला पाण्डेको समान ६ लाख ३० हजार कित्ता शेयर तथा १.६०/१.६० प्रतिशत स्वामित्व रहेको छ।
त्यसैगरी, राजेन्द्र प्रसाद श्रेष्ठको १.४० प्रतिशत, राम अग्रवालको १.३२, गुडविल फाइनान्स लिमिटेडको १.२०, प्रिमियर वायरलेस प्रालिको १.२०, अनुज लक्ष्मी धितालको ०.९६, क्याबिनेट श्रेष्ठको ०.९६, सुजन वैद्यको ०.९६ र सन्दिप पाख्रिन लामाको ०.९० प्रतिशत शेयर स्वामित्व रहेको छ।
बिज्ञापन
यस्तै, पृथ्वी बहादुर पाडे र शिखर इन्स्योरेन्सको समान ०.८६/०.८६ प्रतिशत शेयर स्वामित्व हुँदा हिमालयन इन्फ्रास्ट्रक्चर फण्डको ०.८० प्रतिशत स्वामित्व रहेको छ।
