ताजा
लोकप्रिय
क्यानडा पठाइदिन्छु भन्दै रकम ठगी गरेको आरोपमा मोरङ प्रहरीले पाँच जनालाई पक्राउ गरेको छ ।
बिज्ञापन
पक्राउ पर्नेहरूमा भारतको अररिया जोगवनी ग्राम पञ्चायत-३ बस्ने २३ वर्षीय केशव यादव, मोरङ कटहरी गाउँपालिका-३ बस्ने २२ वर्षीय रोहित कुमार पासवान, ३० वर्षीय बुद्धनारायण मलाह, विराटनगर महानगरपालिका-८ बस्ने २३ वर्षीय करण भन्ने अमित राय र पथरी शनिश्चरे नगरपालिका-५ बस्ने २५ वर्षीय बोधराज राजवंशी रहेका छन् ।
बिज्ञापन
उनीहरूलाई बुधबार पक्राउ गरिएको प्रहरीले जनाएको छ । उनीहरूले २ जना पीडितलाई क्यानडा पठाइदिन्छु भनि विभिन्न विदेशी मोबाइल नम्बरहरूबाट खोलिएको ह्वाट्सएपबाट कल गरी भिसा प्रयोजनका लागि आवश्यक कागजात समेत पठाई प्रलोभनमा पारेको प्रहरीले जनाएको छ ।
विभिन्न बैंक खातामा पटकपटक गरी ६६ लाख ६७ जार रूपैयाँ जम्मा गर्न लगाई ठगी गरेको भन्ने पीडितहरूको उजुरीको आधारमा जिल्ला प्रहरी कार्यालय मोरङबाट खटिएको प्रहरीले उनीहरूलाई पक्राउ गरेको हो । पक्राउ परेकाउपर मोरङ जिल्ला अदालतबाट ५ दिन म्याद थप अनुमति लिई आवश्यक अनुसन्धान गरिरहेको प्रहरीले जनाएको छ ।
बिज्ञापन
