ताजा
लोकप्रिय
कल्भर्टमुनि एक पुरुषको शव फेला परेको छ।
बिज्ञापन
उदयपुरगढी गाउँपालिका–७ मा एक पुरुषको शव फेला परेको हो। उक्त शव मदन भण्डारी राजमार्गमा पर्ने कल्भर्टमुनि फेला परेको हो। आज दिउँसो सोही वडाको घलेडाँडा घर भएका अन्दाजी ४३ वर्षीय नगेन्द्रबहादुर घलेको शव फेला परेको जिल्ला प्रहरी कार्यालयका प्रहरी नायब उपरीक्षक राजन चापागाईंले जानकारी दिए।
बिज्ञापन
उक्त शव फेला परेसँगै प्रहरीले अनुसन्धान सुरु गरेको प्रहरी नायब उपरीक्षक राजन चापागाईंले जानकारी दिए। ‘घटनास्थलमा अनुसन्धानका लागि तालिमप्राप्त कुकुर पठाएका छौँ,’ उनले भने।
प्रहरीका अनुसार सोमबार साँझ नजिकैको एक पसलबाट साथीहरूसँग मदिरा सेवन गरी घले छुटेका थिए। स्थानीयले घटना शंकास्पद रहेको भन्दै शव उठाउन नदिएपछि प्रहरीले अनुसन्धानका लागि कुकुर प्रयोग गरेको जनाएको छ।
बिज्ञापन
स्थानीय होम बस्नेतका अनुसार मदन भण्डारी सडक हेरालुहरुले सफाइका क्रममा कल्भर्ट मुनी शव देखेर प्रहरीलाई जानकारी दिएका थिए।
