ताजा
लोकप्रिय
कोरोना भाइरसको उद्गम विन्दु मानिएको चीनमा फेरि अर्को नयाँ भाइरसको संक्रमण फैलिएको छ। कोरोना महामारी फैलिएको ५ वर्षपछि देखिएको यो भाइरसको लक्षण पनि कोरोना भाइरसजस्तै भएको बताइएको छ।
बिज्ञापन
नयाँ भाइरसको नाम ह्युमन मेटान्युमोभाइरस (एचएमपीभी) हो, जुन नयाँ आरएनए भाइरस हो। भाइरस संक्रमित भएका बिरामीमा चिसो र कोभिड–१९ को जस्तै लक्षण देखिने गरेको छ। यसको सबैभन्दा बढी असर साना बालबालिकामा देखिएको अधिकारीहरूले जनाएका छन्। चीनको रोग नियन्त्रण तथा रोकथाम केन्द्र ९सीडीसी० यो भाइरस संक्रमित भएका बिरामीमा खोकी लाग्ने, ज्वरो आउने, नाक बन्द हुने र घाँटीमा समस्या देखिनेजस्ता लक्षण देखिने गरेका छन्।
बिज्ञापन
एचएमपीभीसँगै इन्फ्लुएन्जा ए, माइकोप्लाज्मा निमोनिया र कोभिड–१९ को बिरामी पनि देखिइरहेका छन्। यस्ता बिरामीको संख्या लगातार बढिरहेको स्वास्थ्य अधिकारीहरूको भनाइ छ। द स्टारको रिपोर्टअनुसार सीडीसीले पहिलेदेखि नै अस्थमा र क्रोनिक अब्ट्रक्टिभ पल्मोनरीजस्ता रोगसँग जुधिरहेका बिरामीलाई संक्रमणको खतरा बढी हुने जनाएको छ। भाइरसको असर बढी भएमा ब्रोंकाइटिस र निमोनिया पनि हुनसक्छ। सामाजिक सञ्जालमा बिरामीको भिडभाडको तस्बिर पोस्ट गर्दै भाइरस फैलिएपछि केही स्थानमा संकटकाल लगाइएको दाबी गरिएको छ। चीनले भने नयाँ भाइरस फैलिएकोबारे कुनै आधिकारिक जानकारी भने दिएको छैन। रोयटर्सका अनुसार चीनले यो भाइरस नियन्त्रणका लागि नयाँ निगरानी प्रणालीको परीक्षण गरिरहेको छ।
एचएमपीभी भाइरसको पहिचान पहिलो पटक २००१ मा भएको थियो। एक डच शोधकर्ताले श्वासप्रश्वासको रोगीको नुमना लिएर भाइरस पत्ता लगाएका थिए। यो भाइरस ६ दशकअघिदेखि रहेको बताइएको छ। यो भाइरस सबै मौसममा जीवित रहनसक्छ।
बिज्ञापन
