ताजा
लोकप्रिय
शेयर बजार बढ्ने क्रम आज पनि जारी रह्यो। कारोबार साताको दोस्रो दिन सोमबार २८.९१ अंकले बढेको नेप्से परिसूचक आज १४.११ अंकले बढेर २६२६.३१ विन्दुमा अडिएको छ।
बिज्ञापन
सेन्सेटिभ इण्डेक्स २.५८ अंकले बढेर ४४९.१५ विन्दुमा पुगेको छ। कारोबार रकम सोमबारको तुलनामा बढेको छ। यसदिन ३१२ स्क्रिप्सको ५ अर्ब २० करोड २२ लाख ६३ हजार ३८ रुपैयाँको शेयर कारोबार भयो। सोमबार ४ अर्ब ४३ करोड मूल्य बराबरको शेयर कारोबार भएको थियो। यसदिन तीन कम्पनीको शेयर सकारात्मक सर्किट लेभलमा कारोबार भयो। आत्मनिर्भर लघुवित्त वित्तीय संस्था, गुराँस लघुवित्त वित्तीय संस्था र सामुदायिक लघुवित्त वित्तीय संस्थाको शेयर १० प्रतिशतले बढेको हो।
बिज्ञापन
यसैगरी न्यादी हाइड्रोपावरको शेयर ८.६० र सप्तकोशी डेभलपमेन्ट बैंकको ७.५४ प्रतिशतले बढ्यो। तीन कम्पनीको शेयर सकारात्मक सर्किट लेभलमा कारोबार हुँदा सपोर्ट माइक्रो फाइनान्स वित्तिय संस्थाका लगानीकर्ताले भने सर्वाधिक गुमाए। सो कम्पनीको शेयर १० प्रतिशतले घट्यो। कारोबार रमका आधारमा जानकी फाइनान्स शीर्षस्थानमा रह्यो। सो कम्पनीको २० करोड मूल्य बराबरको शेयर कारोबार भयो। जोशी हाइड्रोवार डेभलपमेन्टको १९ करोड, नेपाल फाइनान्सको ९ करोड र माउन्टेन इनर्जी र न्यादी हाइड्रोपावरको ८र८ करोड मूल्यको शेयर कारोबार भयो।
कारोबारमा आएका १६८ स्टक्सको मूल्य बढ्दा ७० वटाको घटयो। ६ स्टक्सको मूल्य भने आज स्थिर रह्यो। दुई समूहको उपसूचकबाहेक अन्यको उपसूचक सकारात्मक देखिएका छन्। मनु एण्ड प्रो र ट्रेडिङ समूहको उपसूचकबाहेक अन्यको उपसूचक सकारात्मक देखिएका हुन्।
बिज्ञापन
