ताजा
लोकप्रिय
कालीमाटी होलसेल बजारमा केही दिनयता प्याजको भाउ बढेको छ। तिहारअघि प्रतिकिलो अधिकतम १०५ रुपैयाँ रहेको प्याज अघिल्लो दिन मंगलबार ११५ रुपैयाँ पुगेको थियो भने बुधबार १२५ रुपैयाँ पुगेको छ।
बिज्ञापन
गोलभेँडा भने केही सस्तिएको छ। ठूलो गोलभेँडा ९० र सानो गोलभेँडा अधिकतम प्रतिकिलो ७० रुपैयाँमा कारोबार भएको कालीमाटी फलफूल तथा तरकारी बजार विकास समितिले जनाएको छ। तिहारअघि ठूलो गोलभेँडा १२० तथा सानो गोलभेँडा १२० रुपैयाँ थियो।
बिज्ञापन
आलु केही सस्तिएको छ। अघिल्लो दिन प्रतिकिलो ९० रुपैयाँ रहेको रातो आलु बुधबार ८० रुपैयाँ छ। त्यस्तै स्थानीय काउली १००, डल्लो भन्टा ६०, लाम्चो भन्टा ६०, तने बोडी १२०, घिउ सिमी ६०, टाटे सिमी ७०, तिते करेला अधिकतम ७० रुपैयाँ प्रतिकिलोमा कारोबार भएको कालीमाटी फलफूल तथा तरकारी बजार विकास समितिले जनाएको छ।
चिचिन्डो र घिरौंला अघिल्लो दिनको तुलनामा प्रतिकिलो १० रुपैयाँ बढेको छ। चिचिण्डो ५० तथा घिरौंला ७० रुपैयाँ प्रतिकिलोमा बुधबार कारोबार भएको छ। भिण्डी ८० रुपैयाँ छ। बरेला ४०, इस्कुस ३०, रायो साग ७०, चमसुर साग १००, तोरीको साग ८० तथा मेथीको साग १०० रुपैयाँ किलोमा कारोबार भएको छ। ब्रोकाउली १००, कन्य च्याउ १७० तथा डल्ले च्याउ २८० रुपैयाँ प्रतिकिलोमा कारोबार भएको कालीमाटीले जनाएको छ।
बिज्ञापन
कुरिलो अघिल्लो दिनकै मूल्य प्रतिकिलो १००० रुपैयाँ छ ।
