ताजा
लोकप्रिय
काठमाडौंको गोँगबुस्थित नयाँ बसपार्कबाट आज मात्रै ३०० भन्दा बढी सार्वजनिक सवारीसाधन उपत्यकाबाट बाहिरिएका छन्। ‘जेनजी’को आन्दोलनका कारण पाँच दिनदेखि ठप्प रहेको सार्वजनिक यातायात सेवा आजदेखि पुनः सञ्चालनमा आएपछि यात्रुहरू गन्तव्यतर्फ लाग्न थालेका हुन्।
बिज्ञापन
नयाँ बसपार्क सञ्चालन गर्दै आएको लोत्से बहुउद्देश्यीय प्रालिका महाप्रबन्धक सुनिल कुँवरका अनुसार आज बिहानैदेखि यात्रुवाहक सवारीहरू एकपछि अर्को गर्दै उपत्यका बाहिरिन थालेका छन्। “भदौ २३ र २४ गते भएको जेनजीको प्रदर्शनका कारण सार्वजनिक यातायात बन्द हुँदा काठमाडौँमै रोकिएका यात्रुहरू आज बिहानैदेखि गन्तव्यतर्फ जान थालेका छन्,” कुँवरले भने।
बिज्ञापन
उनका अनुसार बिहानैदेखि कर्फ्यू हटेपछि जनजीवन सामान्य बन्दै गएपछि सार्वजनिक यातायात पनि क्रमशः सञ्चालनमा आउन थालेको हो। यसैबीच, नजिकिँदो दसैं पर्वका कारण नयाँ बसपार्कमा यात्रुहरूको चाप बढ्न थालेको छ। यद्यपि, जेनजी आन्दोलनका कारण दशैंको अग्रिम टिकट बुकिङ भने अझै खुल्न सकेको छैन। यसले यात्रुहरूमा अन्योलता थपिएको छ।
बिज्ञापन
