जेनजी आन्दोलनको बढ्दो प्रभावले पुँजीबजारलाई पनि प्रभावित पारेको छ। नेपाल स्टक एक्सचेञ्ज (नेप्से) ले आज (भदौ २७) एक सूचना जारी गर्दै आगामी साताभर, अर्थात् भदौ २९ देखि असोज २ गतेसम्म, धितोपत्रको दोस्रो बजार कारोबार पूर्ण रूपमा बन्द रहने जानकारी गराएको छ।

बिज्ञापन

यसअघि यही आन्दोलनका कारण यस साता तीन दिन कारोबार स्थगित गरिएको थियो।

बिज्ञापन

नेप्सेले सार्वजनिक गरेको सूचनामा भनिएको छ, “धितोपत्रसम्बन्धी ऐन, २०६३ को दफा ९०, उपदफा (१), खण्ड (घ) अनुसार नेपाल धितोपत्र बोर्डबाट मिति २०८२ भदौ २७ गते प्राप्त स्वीकृतिअनुसार, मिति २०८२ भदौ २९ देखि २०८२ असोज २ गतेसम्म धितोपत्रको दोस्रो बजार कारोबार बन्द रहनेछ।”

लगानीकर्तामा अन्योल र चिन्ता

बिज्ञापन

बजार लगातार बन्द हुने निर्णयले लगानीकर्ता समुदायमा थप अन्योल उत्पन्न भएको छ। राजनीतिक अस्थिरता र आन्दोलनको दीर्घकालीन प्रभावको आशंका गरिएको छ। विश्लेषकहरूले बजारप्रति विश्वास घट्ने खतरा औंल्याउँदै यथाशीघ्र स्थायित्व ल्याउनुपर्ने सुझाव दिएका छन्।

पछिल्लो समय जेनजी आन्दोलनले मात्र होइन, आर्थिक सुस्तता र नीतिगत अनिश्चितताले समेत बजारमा नकारात्मक प्रभाव पारिरहेको सन्दर्भमा यो थप झट्का साबित भएको छ।