ताजा
लोकप्रिय
बिज्ञापन
सागर डिष्टिलरी लिमिटेडले आजदेखि वैदेशिक रोजगारीमा रहेका नेपाली नागरिकहरूका लागि आइपिओ निष्कासन गरेको छ । गत साउन १२ गते कम्पनीले नेपाल धितो पत्र बोर्डबाट जारी पुँजी ७२ करोड ६० लाख रुपैयाँको २० प्रतिशतले हुन आउने १०० रुपैयाँ अङ्कित दरका कुल १४ लाख ५२ हजार कित्ता साधारण शेयर निष्कासनका लागि अनुमति पाएको थियो ।
बिज्ञापन
त्यसैका आधारमा कम्पनीले पहिलो चरणमा वैदेशिक रोजगारीमा रहेका नेपालीका लागि १ करोड ४५ लाख २० हजार रुपैयाँ बराबरको १०० रुपैयाँ अङ्कित दरका १ लाख ४५ हजार २ सय कित्ता आइपिओ जारी गरेको हो । दोस्रो चरणमा कम्पनीले आम सर्वसाधारणका लागि आइपिओ जारी गर्नेछ ।
छिटोमा भदौ १ गते र ढिलोमा भदौ ११ गते बैङ्किङ समयपछि बन्द हुने यो आइपिओ खरिदका लागि न्यूनतम १० र अधिकतममा ७ हजार कित्ता सम्मका लागि आवेदन दिन सकिने छ । लगानीकर्ताले मेरो शेयर अनलाइन, धितो पत्र बोर्डबाट स्वीकृत प्राप्त सम्पूर्ण आस्वा सदस्य बैंक तथा वित्तीय संस्थाहरू र तिनका तोकिएका शाखा कार्यालयबाट समेत आवेदन दिन सक्नेछन् । आइपिओ निष्कासन तथा बिक्री प्रबन्धकको रूपमा मुक्तिनाथ क्यापिटल लिमिटेड रहेको छ ।
बिज्ञापन
