ताजा
लोकप्रिय
लगातार ६ कारोबार दिन बढेको धितोपत्र दोस्रो बजार मापक नेप्से परिसूचक सोमबार घटेको छ । नेप्से परिसूचक २२.३५ अंकले घटेर २७ सय विन्दु तल झरेको छ ।
बिज्ञापन
नेप्से परिसूचक ०।८२ प्रतिशतले घटेर २६८४.०१ विन्दुमा बन्द भएको छ । यस दिन आठ अर्ब ३७ करोड ७३ लाख रुपैयाँको शेयर किनबेच भयो । आइतबार नौ अर्ब ५० करोड रुपयाँको शेयर खरिद–बिक्री भएको थियो ।
बिज्ञापन
आज ३९ कम्पनीको शेयर मूल्य बढेको छ । २०९ कम्पनीको शेयर मूल्य घटेको छ । माथिल्लो मैलुङ खोलाखोला जलविद्युत् लिमिटेडको शेयर मूल्य ६.५६ प्रतिशतले बढेको छ । आइतबार १० प्रतिशतले बढेको नेपाल फाइनान्सको शेयर मूल्य आज ५.३९ प्रतिशतले घटेको छ । राप्ती हाइड्रोपावर एन्ड जनरल कन्स्ट्रक्सन लिमिटेडको शेयर मूल्य १० प्रतिशतले घटेको छ ।
कारोबारमा आएका १३ मध्ये होटेल तथा पर्यटन र म्युचुअल फन्ड समूहको परिसूचक बढेको छ । बाँकी समूहको परिसूचक घटेको छ । होटेल तथा पर्यटन समूहको परिसूचक ०.६१ प्रतिशतले वृद्धि भएको छ । म्युचुअल फन्ड समूहको परिसूचक ०.०७ प्रतिशतले बढेको छ ।
बिज्ञापन
