ताजा
लोकप्रिय
नेपाल स्टक एक्सचेन्ज लिमिटेड (नेप्से) को प्रमुख कार्यकारी अधिकृत (सीईओ) छनोट तथा सिफारिस समितिले पाँच उम्मेदवारको संक्षिप्त सूची सार्वजनिक गरेको छ।
बिज्ञापन
गत फागुन १२ गते र १८ गते सार्वजनिक सूचना जारी गरेर दरखास्त आह्वान गरेको समितिले संक्षिप्त सूची तयार गरी चुडामणी चापागाईं, नारद कुमार लुईंटेल, पूर्णप्रसाद आचार्य, बद्रीप्रसाद प्याकुरेल र हेमन्त बस्यालको नाम आज सार्वजनिक गरेको हो। दरखास्त दिएकामध्ये युवराज दाहाल, प्रविण अधिकारी, बिमल कुमार तिवारी, कृष्णबहादुर कार्की र मुकुन्दराज जोशी सर्टलिस्टमा परेनन्।
बिज्ञापन
सर्टलिस्टमा परेकाहरुको अब व्यावसायिक कार्ययोजनाको प्रस्तुतीकरण र अन्तर्वार्ता हुने छ। त्यसका लागि चैत ६ गते बुधबार बिहान सात बजे अर्थ मन्त्रालयमा उपस्थित हुन भनिएको छ। प्रस्तुतीकरण र अन्तर्वार्तापछि समितिले सीईओ नियुक्तिका लागि सिफारिस गर्नेछ। समितिको सिफारिसको आधारमा एक जनालाई मन्त्रिपरिषद बैठकले सीईओ नियुक्तिको निर्णय गर्नेछ।
नेप्सेको सीईओ खुला प्रतिस्पर्धाबाट छनोट गरी नियुक्तिका लागि सिफारिस गर्न अर्थ मन्त्रालयले फागुन ११ गते सेवन्तक पोखरेलको संयोजकत्वमा तीन सदस्यीय सिफारिस समिति गठन गरेको थियो। वित्तीय क्षेत्र व्यवस्थापन तथा संस्थान महाशाखा प्रमुख पोखरेल संयोजकत्वको समितिमा अर्थ मन्त्रालयका सहसचिव अमृत लम्साल, डा. खोमराज खरेल सदस्य छन्।
बिज्ञापन
