ताजा
लोकप्रिय
नेपाल आयल निगमले पेट्रोलको मूल्य बढाएको छ भने डिजेल र मट्टितेलको मूल्य घटाएको छ।
बिज्ञापन
निगमले भोलि आइतबार बिहान १ बजेबाट लागू हुने गरी पेट्रोलको मूल्य बढाएको र डिजेल र हवाई इन्धनको मूल्य घटाएको हो। निगमले पेट्रोलमा प्रतिलिटर १ रूपैयाँ बढाएको छ भने र डिजेल तथा मट्टीतेल प्रतिलिटर ४ रूपैयाँ घटाएको छ। नयाँ मूल्य अनुसार पेट्रोलको मूल्य पहिलो बर्गलाई प्रतिलिटर १६५.५० रूपैयाँ दोस्रो वर्गलाई १६७ रुपैयाँ तेस्रो वर्गको लागि १६८ रुपैयाँ कायम हुनेछ। मट्टितेल र डिजेलको मूल्य पहिलो बर्गलाई प्रतिलिटर १५३ रुपैयाँ दोस्रो वर्गलाई १५५ रुपैयाँ तेस्रो वर्गको लागि १५६ रुपैयाँ कायम हुनेछ।
बिज्ञापन
आएल निगमले एलपी ग्यासको मूल्य बढेर आएको भएता पनि हाललाइ सोही मूल्य कायम गरिएको जनाएको छ। निगमले भारतीय आयल कर्पोरेसन (आइओसी) ले आज अथात् फागुन ३ गतेबाट इण्डियन आयल कर्पोरेसनबाट पेट्रोलिय पदार्थको मूल्य बढेरर आए सँगै नयाँ मूल्य तोकेको जनाएको छ। निगमले तय गरेको नयाँ मूल्य देशभरका विभिन्न ठाउँ अनुसार लागू हुनेछ। निगमले पेट्रोलियम पदार्थको मूल्यका लागि ठाउँहरूलाई तीन वर्ग विभाजन गरेको छ। पहिलो वर्गमा चारआली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज र धनगढी क्षेत्र पर्छन्।
आयल निगमले अन्तर्राष्ट्रिय बजारबाट आफैं कच्चा तेल खरिद गर्दैन। आइओसीबाट आफूलाई चाहिने सबै किसिमका प्रशोधित पेट्रोलियम पदार्थ खरिद गर्दै आएको छ। यसरी पेट्रोलियम किनेबापत् आइओसीले हरेक महिना पन्ध्र–पन्ध्र दिनमा आयल निगमलाई मूल्य पठाउँछ।
बिज्ञापन
