ताजा
लोकप्रिय
सभापति रवि लामिछाने पक्राउविरुद्ध राष्ट्रिय स्वतन्त्र पार्टी (रास्वपा) ले मंगलबार बालुवाटार गरिरहेको प्रदर्शन निषेधित क्षेत्र प्रवेश गरेपछि प्रहरीले धरपकड गरेको छ। प्रहरीले निषेधित क्षेत्र प्रवेश गर्ने झण्डै एक दर्जन व्यक्तिहरू प्रक्राउ गरेको जनाएको छ ।
बिज्ञापन
जिल्ला प्रहरी परिसर काठमाडौंका प्रवक्ता प्रहरी उपरीषक (एसपी) नवराज अधिकारीले पक्राउ परेको कुरा पुष्टि गरे। ‘निषेधित क्षेत्र प्रवेश गरेपछि केही व्यक्ति नियन्त्रणमा लिइएको छ। त्यसमा कति छन् र को–को छन् भन्ने कुरा खुलेको छैन । विवरण संकलन गर्दैछौं,’ एसपी अधिकारीले भने।
बिज्ञापन
यता प्रदर्शनमा बालुवाटार नजिक नेपाल हाउसको अगाडिबाट पार्टीका नेता–कार्यकर्तालाई पक्राउ गर्ने काम भएको रास्वपाका कार्यवाहक महामन्त्री कवीन्द्र बुर्लाकोटीले जानकारी दिएका छन्। शान्तिपूर्ण रूपमा उभिएर छलफल गर्दै गर्दा वीरेन्द्र श्रेष्ठ, अशोक चौधरी, प्रदीप विष्ट, सुरेश पोख्रेललगायत छन्।
ध्रुव ढकाल, नवराज भण्डारी, प्रकाश लामिछाने, रक्षा रायमाझी, साहिल पृयास, सबि खड्का र बुद्धरत्न महर्जन पनि पक्राउ परेका छन्। पक्राउ पर्नेमा दयाराम नेपाल, सुरेन्द्रराज अवाले, शैलेन्द्र खत्री, उमेश लामा, खुसीराम कैनी र नवराज मुडभरी पनि छन्।
बिज्ञापन
शान्तिपूर्ण विरोध प्रदर्शनको कार्यक्रमलाई बिथोल्ने गरी प्रहरी प्रशासनले दमन र गिरफ्तारी गरेको भन्दै उनले विरोध गरे। रास्वपाले आफूहरूको शान्तिपूर्ण आन्दोलनमा प्रहरीले दमन गरेको बताएको छ। बालुवाटरमा भएको प्रदर्शनका क्रममा आफ्ना नेता कार्यकर्ता पक्राउ परेको बताउँदै रास्वपाले भर्त्सना गरेको छ।
