ताजा
लोकप्रिय
कलेजमा फुटबल खेल्दा मिर्गौला चिरिएर गम्भिर एक किशोरको नेपाल मेडिकलमा सफल उपचार भएको छ।
बिज्ञापन
फुटबल खेल्ने क्रममा विपक्षी खेलाडीको घुँडाले करङमा लाग्दा गम्भिर भएका सिन्धुपाल्चोक भोटेचौरका रोविन तामाङको मिर्गौला नै चिरिएकोमा कलेजका युरोलोजिस्ट तथा किड्नी ट्रान्सप्लान्ट सर्जनले सफल शल्यक्रिया गरेका हुन्।
बिज्ञापन
उनको असोज २० गते नेपाल मेडिकल कलेजका युरोलोजिस्ट तथा किड्नी ट्रान्सप्लान्ट सर्जन डा। वेश अन्सारीको टीमले शल्यक्रिया गरी मिर्गौला जोडिदिएका हुन्। ‘अत्यधिक ब्लिडिङका कारण मिर्गौला नै छोपिएको थियो, पछि सिटी स्क्यान गरेर हेर्दा मात्रै मिर्गौला काटिएको देखियो। त्यसबेलासम्म शरीरमा रगतको मात्रा घटिसकेको थियो।’ कलेजका युरोलोजिस्ट तथा किड्नी ट्रान्सप्लान्ट सर्जन डा.वेश अन्सारीले भने,‘त्यसपछि तत्काल शल्यक्रिया गरी सिलाएर जोड्यौं। अहिले उहाँको स्वास्थ्य अवस्थामा सुधार भइरहेको छ।’ मिर्गौलाको शल्यक्रियामा डा। अन्सारीलाई कलेजका रेजिडेन्ट डा. विधान र डा. हेमन्तले साथ दिएका थिए।
असोज १७ गते बिहीबार विहान माकलबारीस्थित मनकामना फुटसलमा फुटवल खेल्ने क्रममा रोविन विपक्षी खेलाडीको घुँडाले करङ मुनी लागेर त्यही ढलेका थिए। त्यसपछि साथीभाइले उठाएर घर पठाए। करङ मुनीको भागमा अत्यधिक दुखाइ भइरहे पनि उनी सोही दिन मनकामना स्कुलमा परीक्षा दिन गएका थिए। परीक्षा सकेर घर पुग्दासमेत दुखाई कम नभएपछि उनको परिवारले दिउँसो १ बजे नेपाल मेडिकल कलेजको इमरजेन्सीमा उपचारार्थ ल्याएका थिए।
बिज्ञापन
डा. अन्सारीका अनुसार रोविनको कम्मरमाथीको भागमा घुँडाले लाग्दा मिर्गौलामै चोट लागेको हो। ‘दुर्घटना हुँदा मिर्गौलालाई चोट लाग्ने सम्भावना हुन्छ। तर, फुटवल खेल्दा नै झण्डै मिर्गौला नै दुई टुक्रा हुने अवस्था हुनु नौलो विषय रह्यो।’ उनका अनुसार रोविनको मिर्गौला पूर्ण रुपमा स्वस्थ हुने केही महिना लाग्छ। ‘शल्यक्रिया राम्रो भएको छ। दुवै मिर्गौलाले राम्ररी काम गरिरहेको छ।’ डा. अन्सारीका अनुसार यदी शल्यक्रियामा ढिलाई भएको भए उनको मिर्गौलाले कामै गर्न नसक्ने अवस्था बन्थ्यो।
आफ्नो छोराको मिर्गौला नै सिलाउनु पर्ने भएपछि चिन्तित आमा रोजी तामाङले शल्यक्रिया सफल भएपछि उपचारमा संलग्न डाक्टर, नर्स तथा कर्मचारीलाई धन्यवाद दिइन्। ‘मेरो छोराको अवस्था देखेर सारै डर लागेको थियो। किड्नी पनि सिलाउँछ र भन्ने थियो। तर, डा. सावहरुले गरेरै देखाउनु भयो। मेरो छोराको ज्यान बचाइदिनु भएकोमा उहाँहरु सबैलाई धन्यवाद दिन्छु।’ कलेजले मिर्गौला विशेषज्ञका रुपमा डा. वेश अन्सारीलाई भित्र्याएपछि पछिल्लो समय नेपाल मेडिकल कलेजमा मिर्गौला र मुत्रासयका जटिल उपचारहरु सम्भव भइरहेका छन्। डा. वेश अन्सारीले दुई वर्षयता नेपाल मेडिकल कलेजमा युरोलोजिस्ट तथा मिर्गौला ट्रान्सप्लान्ट सर्जनका रुपमा सेवा दिइरहेका छन्।
