ताजा
लोकप्रिय
हेटौंडा उपमहानगरपालिका—१० वसपार्कस्थित होटलको कोठामा युवतीको हत्याका आरोपित युवालाई जिल्ला अदालत मकवानपुरले पुर्पक्षका लागि थुनामा राख्ने आदेश गरेको छ ।
बिज्ञापन
अदालतले तीन जनालाई जनही ५० हजार रुपैयाँ धरौटी लिई तारेखमा छाड्न आदेश गरेको छ । हेटौंडा उपमहानगरपालिका—११ सरस्वतीकी २३ वर्षीया एलिसा न्यौपानेको होटेलको कोठामा हत्या गरेको आरोपमा पक्राउ गरिएका हेटौंडा उपमहानगरपालिका—४ का ३२ वर्षीय समिर खान भन्ने चाँद खाँ पैठानलाई जिल्ला न्यायाधीश अवनी मैनाली भट्टराईको इजलासले पुर्पक्षका लागि थुनामा राख्ने आदेश दिएको हो ।
बिज्ञापन
भदौ ९ गते अपरान्ह ४ बजेतिर समिर खानसहित न्यौपाने होटेलमा कोठा लिएर बसेका थिए । समिर बेलुका ८ बजे नै कोठाको ढोकाको भित्रबाट चुकुल लगाएर झ्यालबाट हाम फालेर भागेका थिए । खानले युवतीलाई २ वटा बियरको बोतलसहित धारिलो हतियारले हिर्काएर हत्या गरेर भागेको प्रहरीले जनाएको छ ।
भोलिपल्ट बिहान होटेलको कोठा नखोलेपछि होटेलवालाले प्रहरी र वडाध्यक्ष डाकेर कोठा खोल्दा युवती मृत अवस्थामा भेटिएकी थिइन् ।
बिज्ञापन
