ताजा
लोकप्रिय
पहिरो खस्दा जाजरकोटमा एक वडा सदस्य दम्पती नै बेपत्ता भएको पाइएको छ । जाजरकोट प्रहरीका अनुसार बारेकोट गाउँपालिका–६, धुमामा भन्ने ठाउँमा उक्त वडाका वडा सदस्य ३८ वर्षीय प्रेमकुमारी चलाउने र उनका ४० वर्षीय श्रीमान् मानबहादुर चलाउने पुरिएका हुन् ।
बिज्ञापन
राति घरमाथिबाट आएको पहिरोले चलाउनेको घर पूर्ण रूपमा पुरेको हो । पहिरोले पुरिएकी उनकी ११ वर्षीय छोरीको भने उद्धार गरेर अस्पताल पठाइएको जिल्ला प्रहरी कार्यालय जाजरकोटका सूचना अधिकारी माधव विश्वकर्माले जानकारी दिए ।
बिज्ञापन
चलाउने दम्पतीको अवस्था अझै अज्ञात रहेको छ । अहिले त्यहाँ प्रहरी र स्थानीयको उपस्थितिमा भत्किएको घर उधिन्ने काम भइरहेको छ ।
बिज्ञापन
