नयाँ नेपाली फिल्म ‘रावायण’ को शीर्ष गीत सार्वजनिक भएको छ । मंगलवार सार्वजनिक भएको फिल्मको शीर्ष गीतमा त्रेत्रा यूगका बलशाली पात्र रावणको महिमा मण्डन गरिएको छ । यही भदौ २१ गते अर्थात तीजको दिनदेखि प्रदर्शनमा आउने फिल्मको यो गीतमा अभिनेता पल शाह दोहोरो भूमिकामा देखिएका छन् भने उनलाई अभिनेत्री पूजा शर्माले साथ दिएकी छिन् । गीतमा सरप्राइजको रुपमा निर्देशक सुदर्शन थापा पनि प्रस्तुत भएका छन् ।

बिज्ञापन

फिल्ममा भारतीय गायक नाकाश अजिजको स्वर सुन्न सकिन्छ । उनी दक्षिण भारतीय फिल्म ‘पुष्पा २’ को ‘पुष्पा पुष्पा’ का गायक हुन् । यो गीतमा डा. कृष्णहरी बरालको शब्द तथा रेवन आरती सिंहको संगीत निर्देशन छ । गीतको भिडियोमा विक्रम स्वारको नृत्य निर्देशन छ । आकर्षक सेट बनाएर छायांकन गरिएको गीतले दक्षिण भारतीय फिल्मकै झझल्को दिएको छ ।

बिज्ञापन

यो फिल्ममा पल र पूजाबाहेक प्रियंका कार्की, प्रमोद अग्रहरी, प्रकाश शाह, प्रदीप ढकाल, अर्जुनजंग शाही, कैलाश रावल आदिको पनि अभिनय रहेको ‘रावायण’ मा शिवम अधिकारीको लेखन, प्रदीप श्रीवास्तवको पटकथा, सौरभ लामाको छायांकन, मिलन श्रेष्ठको सम्पादन, रेवनसहित निरज सिंहको संगीत तथा श्री श्रेष्ठको द्वन्द
निर्देशन छ । केही दिनअघि सार्वजनिक भएको फिल्मको टीजरले दर्शकको मन जितिसकेको छ । टीजरले फिल्ममा नेपालको तराई क्षेत्रमा हुने हिंसात्मक गतिविधिलाई मुख्य विषयवस्तु बनाएको अनुमान गर्न सकिन्छ । यो फिल्ममा अभिनेता पल शाह दोहोरो भूमिकाका छन् ।

बिज्ञापन