ताजा
लोकप्रिय
एप्पलले आगामी सेप्टेम्बरमा आइफोन १६ को सिरिज सार्वजनिक गर्दैछ।
बिज्ञापन
कम्पनीले यसबारे हालसम्म कुनै प्रतिक्रिया जनाएको छैन। तर, आइफोन ५ देखि कम्पनीले हरेक वर्षको सेप्टेम्बरमा आफ्नो फ्ल्यागशीप आइफोन सार्वजनिक गर्दै आएको छ। त्यसैले सन् २०२४ मा पनि नयाँ सिरिज सार्वजनिक हुने अनुमान छ।
बिज्ञापन
कम्पनीले आइफोन १६, आइफोन १६ प्लस, आइफोन १६ प्रो र आइफोन १६ प्रो म्याक्स सार्वजनिक गर्ने अनुमान छ। एप्पलले आइफोन १६ को सिरिजका मोडलमा थुप्रै नयाँ फिचरहरू थप गर्ने अफवाह छ।
के हुनेछ खास ?
बिज्ञापन
हालै आइफोन १६ सिरिजको एउटा डमी तस्वीर सार्वजनिक भएको छ । आइफोन १६ मा एप्पलले एक्सन बटन राख्नेछ, जुन फिचर आइफोन १५ प्रो र आइफोन १५ प्रो म्याक्समा उपलब्ध छ । यसका अलावा फोनको दायाँ भागमा क्याप्चर बटन पनि हुने बताइएको छ ।
यसमा प्रयोगकर्तालाई जूम गर्ने फिचर पनि उपलब्ध हुनसक्नेछ । आइफोन १६ प्रो र आइफोन १६ प्रो म्याक्सको स्क्रिन साइज चाहीँ आइफोन १६ र आइफोन १६ प्लसभन्दा ठूलो हुनसक्नेछ।
चिनिया सोसल मिडिया प्लाटफर्म विबोमा एकजना टिप्स्टरले आगामी आइफोन १६ सिरिजको ब्याट्रीको विवरण पनि सार्वजनिक गरिदिएका छन् । जस अनुसार आइफोन १६ मा ३५६१ मिलिएम्पियर आवर क्षमताको ब्याट्री उपलब्ध हुनेछ । त्यस्तै प्लस भेरिएन्टमा ४००६ मिलिएम्पियर आवर र आइफोन १६प्रोमा ३३५५ मिलिएम्पियर आवर क्षमताको ब्याट्री रहनेछ। आइफोन १६ प्रो म्याक्समा चाहीँ ४६७६ मिलिएम्पियर आवर क्षमताको ब्याट्री हुने बताइएको छ । त्यसैले आइफोन १५ को तुलनामा आइफोन १६ मा शक्तिशाली ब्याट्री रहनेछ ।
