ताजा
लोकप्रिय
टोयोटाको चर्चित मोडल प्राडोको नयाँ मोडल आगामी अगस्ट २ मा सार्वजनिक हुने भएको छ । कम्पनीले १४ वर्षपछि अपग्रेड गरेको ल्याण्ड क्रुजर प्राडो बजारमा ल्याउन लागेको हो ।
बिज्ञापन
दुई भेरियन्टमा उपलब्ध हुने यो ल्याण्ड क्रुजर प्राडोको रेगुलर डिजाइन जापान र अष्ट्रेलियाको बजारमा भित्रिने छ भने रेट्रो डिजाइनबाट प्रेरित प्राडो अमेरिका र यूरोपियन बजारमा बिक्री गर्ने कम्पनीको तयारी छ ।
बिज्ञापन
प्राडोको दुबै मोडलमा होरिजेन्टल हेडलाइट सेटअप ग्राहकले पाउने छन् । यो हेडल्याम्प सेटअपमा ३ वटा ‘लीड बीम’ छन् । एसयूभीको पछाडिमा भने टोयोटाको कम्प्याक्ट क्रुजर इलेक्ट्रीक कन्सेप्ट २०२१ मा आधारित ‘स्ट्याण्ड अलोन लाइट क्लस्टर’ रहने छ ।
ल्याण्ड क्रुजर प्राडोमा एलसी ३०० मा जस्तै भी ६ डिजेल इन्जिन, टर्बोचार्ज्ड भी ६ इनलाइन फोर सिलिण्डर पेट्रोल र प्रिमियम सेग्मेन्टमा हाइब्रिड पेट्रोल इन्जिन रहने छ ।
बिज्ञापन
नयाँ टोयोटा प्राडोको पछाडिको भाग रेन्ज रोभरसँग मिल्दोजुल्दो डिजाइन गरिएको छ । यसको नयाँ र अद्वितीय शैलीका कारण निकै आकर्षक देखिन्छ । साथै नयाँ प्राडोको अगाडिको भाग पनि उत्तिकै आकर्षक छ। यसको फ्रन्ट फेस विशेष भएकाले यसलाई अन्य सवारीसाधनहरूबाट अलग राख्छ र छुट्टै पहिचान बनाउने अनुमान गर्न सकिन्छ ।
