ताजा
लोकप्रिय
बिज्ञापन
जेनजी आन्दोलनका क्रममा मृत्यु हुनेको संख्या ३० पुगेको छ। स्वास्थ्य तथा जनसंख्या मन्त्रालयका अनुसार देशका विभिन्न अस्पतालहरूले बुझाएको विवरणअनुसार बुधबार बिहानसम्म मृतक संख्या ३० पुगेको हो।
बिज्ञापन
मन्त्रालयका प्रवक्ता डा. प्रकाश बुढाथोकीका अनुसार काठमाडौं उपत्यकामा मात्रै २३ जनाको मृत्यु भएको छ। तीमध्ये वीर अस्पतालको ट्रमा सेन्टरमा ८, सिभिल अस्पतालमा ६, एभरेष्ट अस्पताल र फ्रन्टलाइन अस्पतालमा ३–३, काठमाडौँ मेडिकल कलेज (केएमसी) मा २ र टिचिङ अस्पतालमा १ जनाको उपचारको क्रममा मृत्यु भएको हो।
उपत्यकाबाहिर बाँकेको भेरी अस्पतालमा ५ र बीपी कोइराला स्वास्थ्य विज्ञान प्रतिष्ठान, धरानमा २ गरी ७ जनाको मृत्यु भएको मन्त्रालयले जनाएको छ। बाँकेमा मृत्यु हुने ५ जना नौबस्तास्थित क्षेत्रीय कारागार तथा बाल सुधार गृहका कैदीबन्दी रहेका छन्।
बिज्ञापन
मृतकमध्ये ३ जना प्रहरी समेत रहेका मन्त्रालयले जनाएको छ। अन्य मृतकहरूको विवरण भने सुरक्षा निकायले आधिकारिक रूपमा सार्वजनिक गरेको छैन।
मन्त्रालयका अनुसार अहिलेसम्मको आन्दोलनमा १,०३३ जना घाइते भएका छन्। तीमध्ये ७१३ जना उपचारपछि घर फर्किएका छन् भने २५३ जना अझै विभिन्न अस्पतालमा उपचाररत छन्।
