ताजा
लोकप्रिय
कालिन्चोक इन्भेष्टमेन्ट कम्पनी लिमिटेडले सर्वसाधारणका लागि प्राथमिक शेयर (IPO) निष्काशनको तयारी थालेको छ। धितोपत्र दर्ता तथा निष्काशनसम्बन्धी नियमावली र निर्देशनअनुसार कम्पनीले निकट भविष्यमै नियमनकारी निकायबाट आवश्यक स्वीकृति प्राप्त गरी शेयर निष्काशन प्रक्रिया अघि बढाउने भएको हो।
बिज्ञापन
यस प्रक्रियाका लागि नबिल इन्भेष्टमेण्ट बैंकिङ्ग लिमिटेडलाई शेयर निष्काशन तथा बिक्री प्रबन्धकको रूपमा नियुक्त गरिएको छ। आज भएको सम्झौतामा कालिन्चोक इन्भेष्टमेन्ट कम्पनीका अध्यक्ष बालकृष्ण शिवाकोटी र नबिल इन्भेष्टमेण्ट बैंकिङ्गका प्रमुख कार्यकारी अधिकृत मनिष नारायण जोशीले हस्ताक्षर गरेका छन्।
बिज्ञापन
कम्पनीको जारी पूँजी ८० करोड रुपैयाँ रहेको छ, जसको ३० प्रतिशत सर्वसाधारणलाई निष्काशन गरिनेछ। बाँकी ७० प्रतिशत पूँजी हाल धितोपत्र बोर्डको लगानी कम्पनीसम्बन्धी निर्देशनअनुसार विभिन्न पर्यटन अन्तर्गतका केबलकार कम्पनी, ऊर्जा कम्पनी, तथा कृषि उत्पादन क्षेत्रमा लगानी हुँदै आएको छ।
कालिन्चोक इन्भेष्टमेन्टको सार्वजनिक निष्काशनले पर्यटन र पूर्वाधार विकासमा थप लगानी भित्र्याउने विश्वास गरिएको छ। कम्पनीले सर्वसाधारणलाई समेटेर सहलगानीको माध्यमबाट दीर्घकालीन प्रतिफल दिने योजना बनाएको जनाएको छ।
बिज्ञापन
