ताजा
लोकप्रिय
सार्वजनिक निष्काशन (IPO) को तयारीमा रहेको सागर डिष्टिलरी लिमिटेडले भदौ २५ गतेदेखि सर्वसाधारणका लागि साधारण शेयर निष्काशन गर्ने भएको छ।
बिज्ञापन
कम्पनीले यसअघि वैदेशिक रोजगारीमा रहेका नेपाली नागरिकलाई लक्षित गर्दै निष्काशन गरेको आईपीओको बाँडफाँड प्रक्रिया सकिसकेको जनाएको छ। अब भने सर्वसाधारण लगानीकर्ताका लागि आईपीओ खुला गर्न लागेको हो। जारी पुँजी ७२ करोड ६० लाख रुपैयाँ रहेको कम्पनीले यसको २० प्रतिशत बराबरको १४ करोड ५२ लाख रुपैयाँ (१४ लाख ५२ हजार कित्ता शेयर) आईपीओमार्फत निष्काशन गर्न अनुमति पाएको हो।
बिज्ञापन
यसअन्तर्गत, सर्वसाधारणका लागि ११ करोड ९० लाख ६४ हजार रुपैयाँ बराबरका ११ लाख ९० हजार ६४० कित्ता शेयर निष्काशन गर्न लागेको हो। यी शेयरहरू प्रति कित्ता १०० रुपैयाँ अंकित मूल्यमा उपलब्ध हुनेछन्।
आईपीओ निष्काशन तथा बिक्री प्रबन्धकको जिम्मेवारी मुक्तिनाथ क्यापिटल लिमिटेडले लिएको छ। सागर डिष्टिलरी लिमिटेडको आईपीओमा लगानी गर्न चाहने सर्वसाधारण लगानीकर्ताले सी–आस्बा प्रणालीमार्फत तथा मेरोसेयरबाट पनि आवेदन दिन सक्नेछन्।
बिज्ञापन
संक्षिप्त विवरण:
कम्पनीको नाम: सागर डिष्टिलरी लिमिटेड
आईपीओ खुल्ने मिति: २०८२ भदौ २५ गते
जारी पुँजी: रू. ७२.६० करोड
निष्काशन हुने शेयर संख्या: १४ लाख ५२ हजार कित्ता
सर्वसाधारणका लागि: ११ लाख ९० हजार ६४० कित्ता
बिक्री प्रबन्धक: मुक्तिनाथ क्यापिटल लिमिटेड
