ताजा
लोकप्रिय
कुमारी बैंक लिमिटेडले गत आर्थिक वर्षको चौथो त्रैमासिक वित्तीय विवरण आज प्रकाशित गरेको छ। जसअनुसार बैंकको खुद नाफा अघिल्लो आर्थिक वर्षको अन्त्यसम्म ४६ लाख रुपैयाँ मात्रै रहेकोमा गत आर्थिक वर्षको अन्त्यसम्म ४५ हजार ८२९ प्रतिशतले बढेर २ अर्ब ११ करोड रुपैयाँ नाघेको छ।
बिज्ञापन
बैंकले इम्पेयरमेन्ट चार्ज परिवर्तन गर्दा अघिल्लो आर्थिक वर्षको खुद नाफा ४६ लाख रुपैयाँमात्रै देखिएकाले यस्तो भएको हो। यद्यपि बैंकले गत आर्थिक वर्षमा प्रकाशित गरेको वित्तीय विवरणमा भने खुद नाफा ४६ लाख रुपैयाँ मात्रै नभई २ अर्ब ३० करोड रुपैयाँ थियो। त्यसैगरी बैंको खुद ब्याज आम्दानी १० अर्ब ८० करोड रुपैयाँबाट ६.९५ प्रतिशतले बढेर ११ अर्ब ५५ करोड रुपैयाँ पुगेको छ। कुल सञ्चालन आम्दानी पनि १३ अर्ब ६३ करोड रुपैयाँबाट करीब ११ प्रतिशतले बढेर १५ अर्ब १३ करोड रुपैयाँ पुगेको छ।
बिज्ञापन
त्यसैगरी बैंकको सञ्चालन नाफा अघिल्लो वर्ष ९७ करोड ३९ लाख रुपैयाँ रहेकोमा गत वर्ष ५२९.८७ प्रतिशतले बढेर ६ अर्ब १३ करोड रुपैयाँ पुगेको छ। योसँगै बैंकको प्रतिशेयर आम्दानी पनि ०.०२ रुपैयाँबाट बढेर ८.०७ रुपैयाँ पुगेको छ। चुक्ता पूँजी २६ अर्ब २२ करोड रुपैयाँ रहेको बैंकको जगेडा कोषमा ११ अर्ब रुपैयाँ र रिजर्भमा १३ अर्ब ८५ करोड रुपैयाँ रहेको छ। बैंकको वितरणयोग्य नाफा (लाभांश क्षमता) अघिल्लो वर्ष ५ अर्ब ३६ करोड रुपैयाँ ऋणात्मक रहेकोमा गत वर्ष घटेर २ अर्ब ७९ करोड रुपैयाँ ऋणात्मक कायम भएको छ।
बैंकको खराब कर्जा (एनपीएल) ५.९६ प्रतिशतबाट बढेर ६.६२ प्रतिशत पुगेको छ। बैंकले १ अर्ब ३८ करोड रुपैयाँ सापटी लिएर २ खर्ब ६० अर्ब रुपैयाँ कर्जा लगानी गरी ३ खर्ब ६४ अर्ब रुपैयाँ निक्षेप संकलन गरेको छ। बैंकको प्रतिशेयर नेटवर्थ १४२.१९ रुपैयाँ रहेको छ।
बिज्ञापन
