ताजा
लोकप्रिय
आज साताको अन्तिम कारोबार दिन पनि शेयर बजारमा गिरावट जारी रह्यो। बिहीबार शेयर बजार अघिल्लो दिनको तुलनामा १२.३८ अंकले घटेर २६६९.७६ बिन्दुमा कायम भएको छ। बजार घट्दा कारोबार रकम पनि घटेको छ।
बिज्ञापन
आज ३१२ कम्पनीको ९५ लाख ९९ हजार कित्ता शेयर किनबेच हुँदा ४ अर्ब ५६ करोड रुपैयाँको कारोबार भएको हो। पछिल्लो समय फाइनान्स कम्पनीका लगानीकर्ताको शेयर मूल्य निरन्तर घट्दो क्रममा रहेको छ। बुधबार सर्वाधिक घट्ने सूचीमा रहेको फाइनान्स समूहले आज पनि सोहि निरन्तरता दिएको छ। आज फाइनान्स समूहको शेयर मूल्य १.३५ प्रतिशतले घटेको छ।
बिज्ञापन
आज जीवन बीमा समूहको शेयर मूल्य मात्रै ०.०३ प्रतिशतले बढेकोछ। अन्य १२ उपसूचक नै राताम्य भएका हुन्। यसदिन ६२ कम्पनीको शेयरमूल्य बढेको छ भने १७५ कम्पनीको घटेको छ। आज सबैभन्दा धेरै नेपाल पुनर्बीमा कम्पनीको शेयर कारोबार भएको छ। आज यस कम्पनीको २८ करोड २१ लाख रुपैयाँको शेयर कारोबार भएको छ। आज सबैभन्दा धेरै दोल्ती पावर कम्पनीका लगानीकर्ताले कमाएका छन्। आज यस कम्पनीका लगानीकर्ताले ७ दशलमव ५३ प्रतिशतका दरले कमाएका हुन्।
आज सबैभन्दा धेरै मिथिला लघुवित्त वित्तीय संस्था र भुगोल इनर्जीका लगानीकर्ताले गुमाएका छन्। आज यी २ कम्पनीका लगानीकर्ताले १० प्रतिशतका दरले गुमाएका हुन्।
बिज्ञापन
