ताजा
लोकप्रिय
नेपाल बैंकका तीन सञ्चालकको पदमा निर्वाचन नगराउन उच्च अदालत पाटन अल्पकालीन अन्तरिम आदेश जारी गरेको छ।
बिज्ञापन
मंगलबार उच्चका कायममुकायम मुख्य न्यायाधीश लालबहादुर कुँवरको एकल इजलासले बैंकका पूर्वसञ्चालक विवेक शमशेर जबराले दायर गरेको रिटमाथि सुनुवाइ गर्दै अल्पकालीन अन्तरिम आदेश जारी गरेको हो।
बिज्ञापन
बैंकले बुधबार सर्वसाधारण शेयरधनीका तर्फबाट तीन सञ्चालक निर्वाचित गर्ने मुख्य एजेन्डासहित साधारणसभा बोलाएको थियो। उच्चको आदेशपछि सञ्चालक पदका लागि निर्वाचन नहुने भएको छ।
जबराले शेयरधनीका तर्फबाट सञ्चालक पदमा उम्मेदवारी दिएका थिए। उनले सञ्चालक पदबाट राजीनामा दिएको ६ महिना नपुगी उम्मेदवारी दिएको भन्दै उजुरी परेपछि गत चैत १ गते निर्वाचन अधिकृतको कार्यालयले उनको मनोनयन रद्द गरेको थियो।
बिज्ञापन
जबराले आफ्नो उम्मेदवारी कायम हुनुपर्ने माग गर्दै रिट दायर गरेका थिए। उच्चले दुवै पक्षबिच छलफल गराइ अन्तरिम आदेश जारी हुने नहुने निष्कर्षमा पुग्न सकिने भन्दै दुवै पक्षलाई चैत ११ गते छलफलका लागि बोलाएको छ।
