सप्तकोशी डेभलपमेन्ट बैंकको संस्थापक शेयर बिक्रीमा राखिएको छ। बैंकका विभिन्न संस्थापक शेयरधनीहरूले आफ्नो नाममा रहेको शेयर बिक्रीमा राखेका हुन्।

बिज्ञापन

बैंकका अनुसार संस्थापक शेयरधनी ललित उपाध्याय बास्कोटाले आफ्नो स्वामित्वमा रहेको १० हजार ९८२ कित्ता शेयर बिक्रीमा राखेका हुन्। उक्त शेयरको मूल्य प्रतिकित्ता ६५५ रुपैयाँ तोकिएको छ। बैंकको उक्त शेयरमा सर्वसाधारण लगानीकर्ताले समेत आवेदन दिन पाउनेछन्। खरिद गर्न इच्छुक लगानीकर्ताले १५ दिनभित्र बोलपत्र पेस गर्नुपर्नेछ।

बिज्ञापन

यस्तै, गोबिन्द चापागाईंले आफ्नो स्वामित्वमा रहेको ५ हजार ४ सय कित्ता शेयर बिक्रीमा राखेका हुन्। उक्त शेयरको मूल्य प्रतिकित्ता ४५० रुपैयाँ तोकिएको छ। बैंकको उक्त शेयरमा विद्यमान संस्थापकशेयरधनीले ३५ दिनभित्र आवेदन दिनुपर्नेछ। यदि उक्त अवधिमा बिक्री नभएमा सर्वसाधारण लगानीकर्ताका लागि बिक्री खुला गरिने बैंकले जनाएको छ।

बिज्ञापन