ताजा
लोकप्रिय
मंगलबार शेयर बजार २७१९ अंकमा झरेको छ। अघिल्लो दिनको तुलनामा नेप्से परिसूचक ३२.२१ अंक घटेको हो। यो सहित लगातार सातौं दिन बजार घटेको छ।
बिज्ञापन
कारोबार रकम सामान्य बढेको छ। अघिल्लो दिन ८ अर्ब ३७ करोडको कारोबार भएकोमा आज ८ अर्ब ३९ करोडको भयो। ३२ कम्पनीको मूल्य बढ्दा २०९ को घट्यो भने ३ को स्थिर रह्यो। यस दिन विकास बैंक सेक्टरमा आकर्षण देखिएको छ। सबै सेक्टर घट्दा सो सेक्टर १.९३ प्रतिशत बढ्यो।
बिज्ञापन
बैंकिङ ०.७१, फाइनान्स १.५७, होटल तथा पर्यटन १.१३, हाइड्रोपावर १.५१, लगानी १.८९, जीवन बीमा १.३०, उत्पादन २.४९, माइक्रोफाइनान्स ०.८९, निर्जीवन बीमा ०.९९, अन्य १.६८ र व्यापार १.७९ प्रतिशत घटे। महालक्ष्मी विकास बैंकको मूल्य १० प्रतिशत बढ्यो। विन नेपाल लघुवित्तको ८.८, ज्योति विकास बैंकको ३.३५ तथा सप्तकोशी विकास बैंकको ३.११ प्रतिशत मूल्य बढ्यो।
नेस्डो समृद्धि लघुवित्तको ६.६९, उन्नति सहकार्य लघुवित्तको ५.३६, हिमालयन पावर पार्टनरको ४.७२ तथा राप्ती हाइड्रोको ४.६८ प्रतिशत मूल्य घट्यो। धेरै कारोबार भएका कम्पनीमा हिमालयन रिइन्स्योरेन्स, नेपाल पुनर्बीमा, महालक्ष्मी विकास बैंक, गार्डियन माइक्रोलाइफ इन्स्योरेन्स र एनआरएन इन्फ्रास्ट्रक्चर क्रमशः अगाडि रहे।
बिज्ञापन
