पाँच कारोबार दिनपछि मंगलबार नेप्से परिसूचक सामान्य अंकले बढेको छ। गत मंगलबारदेखि घट्न थालेको बजारले हिजो (सोमबार) सम्म निरन्तरता पाएको थियो।

बिज्ञापन

आज अर्थात् मंगलबार भने नेप्से ६.५४ अंकले बढेर २६८३.८६ विन्दुमा बन्द भएको छ। यसदिन कारोबार रकम पनि अघिल्लो दिनको तुलनामा केही बढेको छ। गत कारोबार दिन अर्थात् सोमबार ६ अर्ब ९६ करोडको कारोबार भएकोमा मंगलबार सात अर्ब २० करोडको शेयर कारोबार भएको छ।

बिज्ञापन

अघिल्लो दिनको तुलनामा कारोबार रकममा २४ करोड रूपैयाँ वृद्धि भएको हो। आज २९९ वटा धितोपत्रको एक करोड ३९ लाख आठ हजार ७८४ कित्ता शेयर किनबेच भएको हो। मंगलबार १३४ कम्पनीको शेयर मूल्य बढेको छ भने ९८ वटाको घटेको छ। यस्तै ११ कम्पनीको मूल्य स्थिर रहेको छ।

यसदिन सिक्लेस हाइड्रोपावर र भगवती हाइड्रोपावरको शेयर मूल्य सर्वाधिक १० प्रतिशतका दरले बढेको छ। उक्त कम्पनीहरूको प्रतिकित्ता मूल्य क्रमशः एक हजार ३५८ रूपैयाँ ५० पैसा र एक हजार १८७ रूपैयाँ पुगेको छ। यस्तै, गार्डियन माइक्रो इन्स्योरेन्सको शेयर मूल्य ९.९९ प्रतिशतले बढेर प्रतिकित्ता मूल्य ४०० रूपैयाँ ६० पैसा कायम भएको छ।

बिज्ञापन

मंगलबार भूगोल इनर्जीको मूल्य सर्वाधिक १० प्रतिशतले घटेको छ। उक्त कम्पनीको प्रतिकित्ता मूल्य ८४९ रूपैयाँमा झरेको छ। उपकार लघुवित्तको शेयर मूल्य सर्वाधिक ८.२९ प्रतिशतले घटेर प्रतिकित्ता मूल्य पाँच हजार २०० रूपैयाँ कायम भएको छ। मंगलबार सिइडिबी होल्डिङ्सको सर्वाधिक कारोबार भएको छ।

कम्पनीको प्रतिकित्ता मूल्य दुई हजार १०० रूपैयाँमा ३५ करोड ४७ लाख रूपैयाँको शेयर कारोबार भएको छ। यो मूल्य अघिल्लो दिनको तुलनामा ३.६८ प्रतिशत बढेको हो। सर्वाधिक शेयर खरिद–बिक्री हुने दोस्रो कम्पनीमा न्यादी हाइड्रोपावर रहेको छ। उक्त कम्पनीको प्रतिकित्ता ८०५ रूपैयाँमा ३३ रूपैयाँ बराबरको शेयर कारोबार भएको छ। आज कारोबारमा आएका १३ वटा समूहगत परिसूचकमध्ये पाँच समूहको बढेको छ भने बाँकी आठ समूहको परिसूचक घटेको हो।

यसदिन विकास बैंक समूहको परिसूचक सर्वाधिक २.३७ प्रतिशतले बढेको छ। यस्तै, व्यापार समूहको परिसूचक सर्वाधिक १.०५ प्रतिशतले घटेको छ।