ताजा
लोकप्रिय
पश्चिम नवलरासीमा प्रहरीले लागुऔषध कारोबारीलाई समात्न गोली चलाएको छ।
बिज्ञापन
बिहीबार बेलुकी ८ बजे नवलपरासीको रामग्राम नगरपालिका-१२ पचगाँवामा प्रहरीले चार राउन्ड गोली चलाएर लागुऔषध कारोबारीलाई पक्राउ गरेको हो। पक्राउ पर्नेमा सोही स्थानका ५२ वर्षीय राजेश लोनिया रहेको नवलपरासी जिल्ला प्रहरी कार्यालयका प्रवक्ता डिएसपी रेशम बोहराले जानकारी दिए।
बिज्ञापन
उनको खुट्टाको माथिल्लो भागमा गोली लागेको छ। डिएसपी बोहराका अनुसार राजेश लोनियाको घरमा लागुऔषध कारोबार भइरहेको भन्ने सूचना प्रहरीले पाएको थियो। त्यसपछि लागुऔषध नियन्त्रण ब्युरो भैरहवा शाखाबाट प्रहरी नायब निरीक्षक सागर भट्टराईको नेतृत्वमा ५ जनाको टोली लोनियाको घरमा पुगेको थियो।
त्यहाँ लागुऔषध ब्राउन सुगरसहित दुई जनालाई नियन्त्रणमा लिन खोज्दा उनीहरू प्रहरीमाथी नै जाइलागेका थिए। उल्टै प्रहरीको साथमा रहेको पेस्तोल खोस्न लागेको र अर्का व्यक्ति भाग्न लागेपछि प्रहरीले गोली चलाएको डिएसपी बोहराले जानकारी दिए।
बिज्ञापन
त्यस क्रममा प्रहरीले चार राउन्ड फायर गरेको र एउटा गोली मात्रै भागिरहेको लोनियालाई लागेको थियो। अर्का व्यक्ति भने फरार भएका छन्। प्रहरीको गोली लागेर घाइते भएका लोनियालाई प्रहरीकै गाडीमा जिल्ला अस्पताल परासी पठाइएको छ। उनको अवस्था मध्यम रहेको डिएसपी बोहारले जानकारी दिए।
लोनियाको घरबाट ९३ पुरिया ब्राउनसुगर जस्तो देखिने धुलो पदार्थ बरामद भएको पनि डिएसपी बोहराले जानकारी दिए। फरार एकजनाको खोजी भइरहेको छ।
