ताजा
लोकप्रिय
नेपाल राष्ट्र बैंकले बुधबारका लागि विदेशी मुद्राको विनिमयदर सार्वजनिक गरेको छ। जसअनुसार एक अमेरिकी डलरको विनिमयदर १३६.१४ रुपैयाँ (बिक्री दर) तोकेको छ । यो हालसम्मकै उच्च हो।
बिज्ञापन
पछिल्ला साता अमेरिकी डलरको तुलनामा नेपाली रुपैयाँ निरन्तर कमजोर बन्दै आएको छ। सोही कारण डलरको विनिमय दरले हरेक दिन नयाँ रेकर्ड बनाउँदै आएको हो।
बिज्ञापन
गत सोमबार एक अमेरिकी डलरको विनिमय दर १३५.९७ रुपैयाँ थियो । मंगलबार बढेर १३६.०९ रुपैयाँ पुग्यो भने बुधबार थप बढेर १३६.१४ रुपैयाँ पुगेको राष्ट्र बैंकले जनाएको छ। बुधबारका लागि एक अमेरिकी डलरको खरिद मूल्य भने १३५.५४ रुपैयाँ तोकिएको छ।
राष्ट्र बैंकका अनुसार गत कात्तिक मसान्तमा अमेरिकी डलरसँग नेपाली रुपैयाँ १.०२ प्रतिशतले अवमूल्यन भएको छ। गत वर्षको सोही अवधिमा नेपाली रुपैयाँ १.१८ प्रतिशतले अवमूल्यन भएको थियो। गत कात्तिक मसान्तमा अमेरिकी डलर एकको खरिद विनिमय दर १३४.७४ रुपैयाँ पुगेको छ। गत असार मसान्तमा उक्त विनिमयदर १३३.३६ रुपैयाँ रहेको थियो।
बिज्ञापन
