ताजा
लोकप्रिय
भारतको झारखण्ड राज्यमा बुधवार विधान सभा सदस्यका लागि निर्वाचन भेरहेको छ। यो निर्वाचनमा धनबाद जिल्लाको निरसा विधानसभा क्षेत्रबाट भाजपाका उम्मेदवारको रुपमा अपर्णा सेन गुप्ता उठेकी छिन्।
बिज्ञापन
यहि क्रममा बलिउड अभिनेता मिथुन चक्रवर्ती मंगलवार गुप्ताको चुनावी सभामा प्रचार–प्रचारका लागि झारखण्डको धनबाद पुगेका थिए। अपर्णा सेन गुप्ताको समर्थनमा आयोजना आमसभालाई मिथुनले सम्बोधन पनि गरे। यद्यपि, त्यहि क्रममा भिडभाडको फाइदा उठाएर कसैले मिथुनको पकेट मारिदिएको छ। मिथुनलाई हेर्न लागि एक हजार भन्दा बढी मानिसको भिड जम्मा भएको थियो। उक्त भिडलाई सम्हाल्नका लागि न त कुनै किसिमको व्यवस्था थियो, न थ कुनै सुरक्षाकर्मी नै त्यहाँ उपस्थित थिए।
बिज्ञापन
त्यहि कराणले गर्दा भिडमा कसैले मिथुनको पकेट मारिदिएको हो। भिडमा मिथुनको एक झलक पाउन र आफ्नो मोबाइलमा सेल्फि लिनका लागि मानिसहरु हानाथाप गरिरहेका थिए। सोही क्रममा पकेटमारहरुले मौका पाउनासाथ मिथुनको पकेट मारिदिएका हुन्। जब मिथुनले आफ्नो पकेट मारिएको कुराको जानकारी पाए, उनले लगत्तै भाजपाका नेताहरुलाई यो कुराको जानकारी गराए। उनीहरुले मञ्चबाट मिथुनको पकेट मारिएको व्यक्तिलाई उनको पर्स फिर्ता दिन आग्रह गरेका थिए। यद्यपि, त्यहाँ उपस्थित कसैले पनि मिथुनको पर्स फिर्ता दिएनन्। यहि कारणले मिथुन छिट्टै कार्यक्रम सकाएर त्यहाँबाट निस्केका थिए।
यसका साथै अहिले मिथुनको सुरक्षा पनि बढाइएको छ। सुरक्षा निकायले मिथुनको सुरक्षा बढाएको हो। केहि समय अगाडि मिथुनलाई सामाजिक सञ्जालमार्फत धम्कि दिइएको थियो। धम्किलाई ध्यानमा राखेर उनको सुरक्षा बढाइएको हो। सीआइएसएफले अहिले मिथुनलाई वाई प्लस क्याटेगरीको सुरक्षा प्रदान गरेको छ। यही क्याटेगरीको सुरक्षा सलमान खानलाई समेत प्रदान गरिएको भारतीय सञ्चार माध्यमहरुले जनाएका छन्।
बिज्ञापन
