ताजा
लोकप्रिय
नेपालमा विद्युतीय स्कुटर उत्पादन गर्ने लक्ष्यका साथ ग्रन्थ ईभीले लगानी आह्वान गरेको छ। हाल आयातित स्कुटर बिक्री गर्दै आएको ग्रन्थ ईभीको सञ्चालक एफडी मोटर्सले नेपालमै उत्पादन सुरु गरी रोजगारी र आर्थिक वृद्धिमा टेवा पुर्याउने योजना ल्याएको हो।
बिज्ञापन
एफडी मोटर्स तथा ग्रन्थ ईभीका संस्थापक तथा प्रमुख कार्यकारी अधिकृत (सीईओ) सुजन ढुंगेलका अनुसार जुटेको लगानीले नेपालमै विद्युतीय स्कुटर उत्पादन गरिनेछ। कम्पनी आईपीओ निष्कासन गर्ने स्तरमा नपुगेको तर त्यस चरणमा पुग्न निर्माण क्षमतालाई विस्तार गर्नुपर्ने भएकाले लगानी खोजिएको उनले बताए। “अहिले नेपालमा विद्युतीय स्कुटरको उच्च माग छ। यही मागलाई पूर्ति गर्न स्वदेशमै स्कुटर उत्पादन गर्ने लक्ष्यका साथ लगानी उठाउन लागिएको हो,” उनले भने।
बिज्ञापन
उनका अनुसार नयाँ स्कुटरको डिजाइनिङको काम विदेशमा भइरहेको छ, जुन नेपाली उपभोक्ताका लागि नै भनेर तयार हुनेछ। बजारमा यो स्कुटर दुई लाख ८९ हजार रुपैयाँमा उपलब्ध हुनेछ। २४० किलोमिटर रेञ्ज हुने स्कुटरमा ग्राहकले ८ वर्षसम्म वारेन्टी पाउनेछन्।
अब केही महिनामा स्कुटर परीक्षणको कार्यक्रम राखिने बताउँदै ढुंगेलले त्यस अवसरमा समेत इच्छुकले स्कुटर हेरेर लगानी गर्नसक्ने बताए।
बिज्ञापन
