ताजा
लोकप्रिय
मोबाइल फोन विस्फोट हुँदा भारतमा शुक्रबार एक जनाको ज्यान गएको छ। मध्य प्रदेशस्थित भिण्ड जिल्लामा चन्द्रप्रकाश नामका एक युवकको मोबाइल विस्फोटमा ज्यान गएको हो।
बिज्ञापन
भारतीय सञ्चार माध्यमहरूका अनुसार ती व्यक्तिले खाना पकाउँदै मोबाइल फोन हेरिरहेका थिए। तर अचानक हातबाट तातो तेलमा मोबाइल खस्दा फोन केहीबेरमै विस्फोट भयो। उनलाई पूर्ण रूपमा जलेको अवस्थामा उद्धार गरी अस्पताल लगिएको थियो। तर अस्पताल पुग्न नपाउँदै बाटोमै उनको मृत्यु भयो। पीडितका परिवारजनले एम्बुलेन्स ढिलाइका कारण युवकको ज्यान गएको आरोप लगाएका छन्।
बिज्ञापन
युवकलाई सुरुमा लहारको सिभिल अस्पतालमा लगिएको थियो, जहाँबाट थप उपचारका लागि ग्वालियर पठाइएको थियो। तर, सिन्ध नदीको पुलमा जाम हुँदा एम्बुलेन्स ढिला भयो र बाटोमै निधन भयो। लहार प्रहरी चौकीले मृतकका आफन्तको उजुरीका आधारमा “मोबाइल विस्फोटबाट मृत्यु” को घटनाको उजुरी दर्ता गरेको छ ।
मृतक युवक चन्द्रप्रकाशको परिवारमा उनकी पत्नी, १४ वर्षकी छोरी र ८ वर्षको छोरा रहेका छन्। त्यस्तै लहार प्रहरी चौकीमा मृतकका नातेदारले ‘मोबाइल विस्फोटबाट मृत्यु’ भएको भन्दै निवेदन दर्ता गरेका छन् । मृतकको एक श्रीमती, १४ वर्षीया छोरी र ८ वर्षीय छोरा रहेको बताइएको छ ।
बिज्ञापन
