ताजा
लोकप्रिय
सर्लाहीको बरहथवा बजारको एक किराना पसलमा आगलागी भएको छ । बरहथवा नगरपालिका–७ स्थित किसुन दासको घरमा नरेश साहले सञ्चालन गरेको किराना पसलमा गएराति आगलागी भएको इलाका प्रहरी कार्यालय बरहथवाका प्रमुख प्रहरी नायब उपरीक्षक गौतम थापाले जानकारी दिए।
बिज्ञापन
आगलागीबाट विजय दासको आलु भण्डार र सरोज राउत कुर्मीको कपडा सिलाउने टेलरमा समेत क्षति पुगेको उनले बताए । आगलागीबाट भएको क्षतिको यकिन विवरण अझै आइसकेको छैन । किराना पसलमा चाडपर्वका लागि धेरै सामग्री राखिएकाले आगलागीबाट बढी क्षति पुगेको प्रनाउ थापाले जानकारी दिए ।
बिज्ञापन
गएराति शुरू भएको आगलागी आज बिहान मात्रै नियन्त्रणमा आएको प्रहरीले जनाएको छ । सुरक्षाकर्मी, स्थानीय र हरिवन नगरपालिकाको बारुणयन्त्रको सहयोगमा आगलागी नियन्त्रणमा लिइएको थियो । आगलागीको कारण खुल्न सकेको छैन ।
बिज्ञापन
