ताजा
लोकप्रिय
कालीमाटी बजारमा रायो साग सस्तिएको छ । केही दिनयतानै भाउ घटिरहेको रायो साग अघिल्लो दिनको तुलनामा १३ प्रतिशत सस्तिएको हो । बुधबार कालीमाटीमा रायो साग प्रतिकिलो ७० रुपैयाँ छ ।
बिज्ञापन
त्यस्तै पालुगो साग ८०, तोरीको साग ५० तथा हरियो प्याज २०० रुपैयाँ किलो रहेको कालीमाटी फलफूल तथा तरकारी बजार विकास समितिले जनाएको छ । बुधबार कालीमाटीमा बन्दागोभी, भन्टा, तने बोडी, चिचिन्डो सस्तिएको छ भने परवर, टाटे सिमी, घिउ सिमी महँगिएको छ । धेरैजसो तरकारीको भाउ स्थिर छ ।
बिज्ञापन
समितिका अनुसार यस दिन टाटे सिमी प्रतिकिलो अधिकतम १००, तिते करेला ८०, लौका ४०, परवर ८०, चिचिन्डो २५, घिरौंला ८०, भिण्डी ५०, बरेला १३०, इस्कुस २५, लाम्चो भन्टा २५, डल्लो भन्टा ३५, तने बोडी ६०, घिउ सिमी ९० रुपैयाँ छ । कन्य च्याउ २००, डल्ले च्याउ ३५० तथा कुरिलो ५०० रुपैयाँ किलो छ ।
बिज्ञापन
