ताजा
लोकप्रिय
नेपालमा एमजी मोटर्सको अधिकृत बिक्रेता पारामाउन्ट मोटर्सले इलेक्ट्रिक गतिशीलता पहुँचलाई सुधार गर्नकोलागि एनआईएमबी बैंकसँग साझेदारी गरेको छ । यो साझेदारीले नेपाली ग्राहकहरूलाई एमजी मोटर्सका इलेक्ट्रिक गाडीहरूलाई ८० प्रतिशतसम्मको वित्तीय सुविधा उपलब्ध गराउने बताइएको छ ।
बिज्ञापन
यस साझेदारीअन्तर्गत, एमजी इलेक्ट्रिक गाडीहरू, जसमध्ये एमजी जेडएस ईभी, एमजी ४ ईभी र एमजी कमेट ईभी समावेश रहेका छन् । खरीद गर्न इच्छुक ग्राहकहरूले एनआईएमबी बैंकको कुनै पनि शाखाबाट सरल वित्तीय प्राप्त गर्न सक्ने जनाइएको छ । बैंकले प्रतिस्पर्धी ब्याज दर र अनुकूलनशील सर्तहरूसँग इलेक्ट्रिक गाडीहरूकोलागि ८० प्रतिशयसम्मको वित्तीय सहायता प्रदान गर्ने पारामाउंट मोटर्सले जनाएको छ ।
बिज्ञापन
एनआईएमबी बैंकले एमजी इलेक्ट्रिक गाडीहरूकोलागि आकर्षक ब्याज दरसहितको अटो लोन प्रदान गर्नेछ, जुन आधार दरमा १.०० प्रतिशत प्रिमियम प्रति वर्ष जोडिएको हुनेछ । यो वित्तीय योजना नेपाली ग्राहकहरूकालागि यातायातमा सघाउने उद्देश्यले बनाइएको पारामाउन्ट मोटर्सले बताएको छ । २० प्रतिशत अग्रिम भुक्तानीको आवश्यकता भएका ग्राहकहरूले कुनै पनि एमजी इलेक्ट्रिक गाडी, जसको प्रभावशाली दायरा र उन्नत सुविधाहरू सुलभ मूल्यमा प्राप्त गर्न सक्ने जनाइएको छ ।
बिज्ञापन
